Romanos 2:9 - Tzotzil San Andres

⁹ Scotol li buchꞌutic chopol li cꞌustic ta spasique, ch‐acꞌbat yichꞌic vocol. Li joꞌotic li jꞌisraelutique, jaꞌ más ta xichꞌic vocol li jchiꞌiltactique yuꞌun voꞌone onoꞌox caꞌiojtic li scꞌop Diose. Jech ta xichꞌic vocol eꞌuc la achiꞌilic, joꞌoxuc ti maꞌuc jꞌisraeloxuque.

Tzotzil Zinacantan

⁹ Scotol ti muchꞌutic chopol li cꞌusitic tspasique chichꞌic castico. Más tsots chichꞌic castico li jchiꞌiltactic ta jurioale yuꞌun voꞌne xa lic caꞌitic li scꞌop Rioxe. Jaꞌ noꞌox yech chichꞌic castico lachiꞌilic uque, voꞌoxuc ti maꞌuc juriooxuque.

Bible in Tzotzil de Chamula

⁹ X'oc' x'avanic yu'un svocolic ta j'ech'el ti buch'utic ta spasic ti c'usi chopole, ti ba'yel ta xc'ot ta stojol ti israeletique xchi'uc ta stojol ti jyanlumetique.

Bible in Tzotzil de Chenalhó with Deuterocanon

⁹ Ta xa'ay lec svocolic; puru at-o'nton cha'yic li boch'otic ja' no'ox tspasilanic c'usitic chopole. Ja' ba'yuc ta xich' li israeletique, jech ta xich'ic ec li yanlum cristianoetique.

Tzotzil de Huixtán

⁹ Ta me xich'ic ep vocol, ta me x'ech' svocolic scotol ti much'utic tspasic ti c'usi chopole yu'un xch'unojic tscuy. Ta ono'ox xich'ic ti jchi'iltique, ho'ucutic ti judioucutique, yu'un ya'yojic ti sc'op ti Diose. Chich'ic uc ti achi'iltaque, xchi'uc scotol yan crixchanoetic.

Romanos 2:9 Kruisverwysings