Romanos 15:27 - Tzotzil San Andres

²⁷ Ta sloqꞌuel yoꞌonic la stsobic li taqꞌuine yuꞌun snaꞌojic ti ipasbatic lequilal eꞌuque. Yuꞌun jaꞌ ta sventa li jchiꞌiltac ti laꞌalbat avaꞌiic ti oy coltael sventa sbatel osil ta sventa li Cristoe, joꞌoxuc li maꞌuc jꞌisraeloxuque. Jaꞌ lec mi chacoltaic li jchiꞌiltac ta sventa li cꞌusi scꞌan yuꞌunique.

Tzotzil Zinacantan

²⁷ Scꞌan noꞌox yoꞌon stuquic ti istsobique. Lec ti xꞌelan ispasique yuꞌun snaꞌojic ti voꞌoticotic ta jcuentaticotic ti iyaꞌiic ti jaꞌ chacꞌ jcuxlejaltic ta sbatel osil ti Cristoe. Jaꞌ noꞌox yech tscꞌan chanaꞌic uc. Lec mi jaꞌ yech chanopic uque.

Bible in Tzotzil de Chamula

²⁷ Lec laj ya'iic ti jech laj spasique. Oy razon ti jech ta spasique, yu'un oy yilic ta stojolic ti israelal jch'unolajeletique. Yu'un ti lequil ach' c'op ti ac'batic yu'un ti Diose, laj yaq'uic batel ta stojol ti jyanlumetique. Jech o xal un, ja' yabtelic ti ta scoltaic batel ti israelal jch'unolajeletic ti c'usi oy yu'unique.

Bible in Tzotzil de Chenalhó with Deuterocanon

²⁷ Toj xcuxet no'ox yo'ntonic ti jech la spasique, yu'un oy yilic ta stojolic cha'yic. Yu'un laj xa yu'uninic ec li c'usitic chtun sventa sbatel osil ti ja' to'ox yu'un stuquic li israeletique. Ja' yu'un tsc'an chac'beic c'usi chtun yu'unic ec ta sventa ti c'u x'elan chcuxiic li' ta banamile.

Tzotzil de Huixtán

²⁷ Yu'un hech yo'ntonic ti tscoltaique yu'un oy yilic ti stojol. Ja' ti sventaic ti quermanotic ti te oyic ti Jerusalene, ja' ti jchi'iltaque, ho'ontutic ti judiountutic xchi'uque, ti na'ac'batic xa bendición yu'un ti Diose, ho'oxuc ti yanlum crixchanooxuque, hech yu'un lec ti chacoltaique, ti chavac'beic c'usi chtun yu'unic li' ti balumile.

Romanos 15:27 Kruisverwysings