Romanos 14:22 - Tzotzil San Andres

²² Mi achꞌunojic ti scotol veꞌlil leque, lec, mu me yuꞌunuc chopol. Pero scꞌan chanaꞌic mi jech tscꞌan Dios ti chalajesic scotole. Mu me oyuc buchꞌu ta xchibaj o yoꞌon ta acojic. Muybajcutic noꞌox, maꞌuc to me tsꞌacal chjul ta joltic li cꞌusi la jnoptique, li cꞌusi la jpastique.

Tzotzil Zinacantan

²² Mi achꞌunojic ti lec scotol li veꞌlile, lec. Snaꞌoj ti Rioxe ti jaꞌ yech achꞌunojique. Jaꞌ noꞌox tscꞌan chanopic mi yech tscꞌan ti cꞌusuc noꞌox chalajesique. Mi yech tscꞌan chavaꞌiique, lec. Jaꞌ chopol mi cꞌun to chlic anopic ti ata o amulic ti alajesique.

Bible in Tzotzil de Chamula

²² Ti c'u s'elan c'otem ta avo'nton ta xch'unele, avu'unuc atuc ta stojol ti Diose. Yan no'ox yutsil ti buch'u ta x'ac'bat sna' ta sjol yo'nton ti mu'yuc smul ta sta ta xa'i yu'un ti c'usi ta spase.

Bible in Tzotzil de Chenalhó with Deuterocanon

²² Me jech ach'unoj vo'ot ti mu'yuc chopole, jech ch'uno atuc ta stojol Dios. Yu'un ja' xcuxet no'ox yo'nton li boch'o muc teuc tsta o smul ta sventa c'usi xch'unoje.

Tzotzil de Huixtán

²² Mi ach'unoj ti lec scotol ti ve'elile, lec oy. Mu yu'unuc chcal ti mu me xach'un hech. Lec mi chave' scotol. Ja' tsc'an chana' uc mi hech tsc'an ti Diose ti chave' scotole, mi mu hechuc chbolib yo'nton ti yan quermanotique. Nichim no'ox co'ntontic mi mu xlo'laj co'ntontic yu'un ti cac'oj jba ti jpastic ti c'utic ti jpastique.

Romanos 14:22 Kruisverwysings