Romanos 12:2 - Tzotzil San Andres

² Mu xa me xanopic jech chac cꞌu chaꞌal ta snopic li buchꞌutic mu xichꞌic ta mucꞌ li Diose. Jaꞌ me scꞌan ti naca lec li cꞌustic chanopique, jaꞌ chanaꞌic o li cꞌustic ta scꞌan li Diose. Jaꞌ li cꞌustic leque, ti jaꞌ tscꞌan Dios ta jpastique, schiꞌuc ti jaꞌ sventa ti chijtuqꞌuibutic oe, chijlecubutic oe.

Tzotzil Zinacantan

² Lavi lec xa avoꞌonique, jaꞌ xa me xanopic li cꞌusitic leque. Mu xa me xanopic chac cꞌu chaꞌal tsnopic ti muchꞌutic mu xichꞌic ta mucꞌ ti Rioxe. Mi jaꞌ xa chanopic li cꞌusitic leque, chul ta ajolic cꞌusitic tscꞌan ti Rioxe, ti cꞌusitic lec chile.

Bible in Tzotzil de Chamula

² Mu xa jechuc xanopic jech c'u cha'al ta spasic ti jnaclejetic ta banomil ti yan sjol yo'ntonique. Jeluc ti snopbenal avu'unique yo' jech ta x'ach'ub ti acuxlejalique. Jech ta xlic ava'ibeic yo'nton ti Diose, ja' ti c'usi lec ta pasele, ti c'usi xmuyubaj yo'nton yu'une, ti c'usi lec tuc' ta xile.

Bible in Tzotzil de Chenalhó with Deuterocanon

² Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Tzotzil de Huixtán

² Mu me xanopic ti c'usi tspasic xchi'uc ti c'usi tsnopic ti crixchanoetic li' ti balumile. Yan me chanopic ti ho'oxuque yu'un hech chana'ic ti c'utic tsc'an ti Diose, ja' ti c'usi lec ti pasele, xchi'uc ti c'usi lec chil ti Diose, xchi'uc ti c'usi sventa yutsil avo'ntonique.

Romanos 12:2 Kruisverwysings