Romanos 11:11 - Tzotzil San Andres

¹¹ Joꞌoxuc li maꞌuc jꞌisraeloxuque, mi chavalic ti muc bu chcolic jchiꞌiltac ta scoj ti mu schꞌunic ti jaꞌ Yajcoltavanejic li Cristoe, pero muc bu jech. Ti jech mu schꞌunic li jchiꞌiltaque, yuꞌun jaꞌ yorail ti chacolic eꞌuc, joꞌoxuc li maꞌuc jꞌisraeloxuque, jech acꞌo spichꞌ yoꞌonic li jchiꞌiltaque.

Tzotzil Zinacantan

¹¹ Lavi mu xchꞌunic li jchiꞌiltac ta israelale, mu me xanopic ti mu xa muchꞌu ta xchꞌun ta tsꞌacale. Oy to muchꞌu ta xchꞌun. Ti xꞌelan mu xchꞌunic li jchiꞌiltaque jaꞌ yoꞌ xachꞌunic o ti chacuxiic ta sbatel osil uque, voꞌoxuc ti maꞌuc jꞌisraeloxuque. Ti voꞌoxuc chachꞌunique, jaꞌ yoꞌ xpichꞌ o yoꞌonic li jchiꞌiltaque yoꞌ xchꞌunic o uque.

Bible in Tzotzil de Chamula

¹¹ Ta jac' ca'i xtoc tana li' une: ¿Mi j'ech'el bajic o ta lum ti israeletic ti c'alal laj sbosi ti yacanique? ¡Bu xata ti jech bajic o ta lume! C'alal jech laj sbajic lequilal ti israeletique, ja' laj staic coltael yu'un Dios ti jyanlumetique yo' jech licuc yit'ixal yo'ntonic ti c'alal ta xilic ta staic scolelic ti jyanlumetique.

Bible in Tzotzil de Chenalhó with Deuterocanon

¹¹ Ja' yu'un jech ta jac': ¿Me yu'un j'ech'el iyalic o ta lum c'alal la sbosi yacanic li israeletique? ¡Mo'oj! Ta scoj ti muc xch'unique, yu'un jech ja' ac'o c'otuc coltael ta stojol li yanlum cristianoetique, jech ac'o it'ixajuc yo'ntonic li israeletique.

Tzotzil de Huixtán

¹¹ “¿Mi yu'un j'ech'el ilaj sc'opilal ti chcolic ti achi'iltaque yu'un ti muc xch'unic ti totiletic avu'unique xchi'uc ti achi'iltaque ti ja' ac'bil yabtel yu'un ti Diose ti Cristoe?” mi xachiic ho'oxuc ti yanlum crixchanooxuque, mu hechuc. Yu'un ti sventa ti muc xch'unic ti jchi'iltaque, ja' yorail ti ic'ot colel ti aventaic, ho'oxuc ti yanlum crixchanooxuque. Yu'un ho'ot ic'ot ti aventa ti colele, yu'un ac'o bic'tajuc yo'ntonic ti jchi'iltaque, ho'ontutic ti yelnich'onuntutic ti Israel xchi'uque.

Romanos 11:11 Kruisverwysings