Romanos 1:20 - Tzotzil San Andres

²⁰ Acꞌo mi mu xquiltic ta jsatic li Diose, pero li cꞌustic spasoje jqꞌuelojtic. Cꞌalal ilic li balumile cꞌalal tana, ta xquiltic ti oy sjuꞌel oy stsatsal li Diose. Chquiltic ti jaꞌ noꞌox Dios stuque. Jech li buchꞌutic mu xichꞌic ta mucꞌ li Diose, mu xuꞌ ta xalic ti mu snaꞌic mi oy li Diose.

Tzotzil Zinacantan

²⁰ Acꞌu mi mu xquiltic ti Rioxe, pero chquiltic li cꞌusitic spasoje. Ta spasel balamil cꞌal tana, chquiltic ti oy syuꞌel ti Rioxe. Chquiltic ti jaꞌ ti Rioxe. Yechꞌo un ti muchꞌutic mu xichꞌic ta muqꞌue, mu xuꞌ chalic ti mu snaꞌic mi oy ti Rioxe.

Bible in Tzotzil de Chamula

²⁰ Mi nijil chimil ta snopilane, ta xvinaj ti oy jun Dios ta sventa ti yabtel spasojane. C'alal lic meltsajuc talel ti banomile, xvinaj lec ta q'uelel oy ti Diose, ti sbatel osil mu'yuc stsutseb ti oy smuc'ul stsatsale. Laj sc'oplal ma' ti stac' spac sc'oplal ti buch'u mu'yuc xch'ulel xa'i sbae.

Bible in Tzotzil de Chenalhó with Deuterocanon

²⁰ Yu'un ja'o no'ox c'alal imeltsaj banamil laj yac' ta ilel li c'usi mu'yuc to'ox yac'oj ta ilele, ja' li svu'el ti mu'yuc slajebe, ti ja' ch'ul Dios stuque. Ta sventa c'usitic spasoj, jech ivinaj ti ja' Diose. Jech mu'yuc c'usi xu' tspoj sbaic o li cristianoetique.

Tzotzil de Huixtán

²⁰ Manchuc mi mu xquiltic ti jsatic ti Diose, ti yabtele chvinaj. Asta c'alal imeltsaj ti balumile asta ti hora to chvinaj ti jelaven sp'ijil ti Diose, ti mu sna' xlaj sp'ijil ti Diose. Chvinaj ti ja' Dios stuc. Hech yu'un mu xu' chalic ti mu sna'ique.

Romanos 1:20 Kruisverwysings