Romanos 1:18 - Tzotzil San Andres

¹⁸ Li Diose ta xacꞌ quiltic ti chopol ta xil scotol li buchꞌutic ti mu scꞌan xichꞌic ta muqꞌue, ti chopol li cꞌustic ta spasique, yuꞌun más ta xchꞌayic o. Ti jech más ta xchꞌayic oe, yuꞌun jaꞌ noꞌox batem ta yoꞌonic ta spasel li cꞌustic chopole yoꞌ jech mu xvinaj o ti snaꞌic ti oy li Diose.

Tzotzil Zinacantan

¹⁸ Ti Rioxe chquiltic ti liꞌ noꞌox chlic yacꞌbe castico ti muchꞌutic chopol li cꞌusitic tspasique ti mu xchꞌunic ti cꞌusitic yaloje. Ti naca chopol li cꞌusitic tspasique, ti mu xchꞌunique, yuꞌun mu scꞌan svinajesic ti snaꞌojic ti oy ti Rioxe.

Bible in Tzotzil de Chamula

¹⁸ Ti Dios ti oy ta vinajele ta xac' ta ilel sc'ac'al yo'nton ta yac'bel svocol ta tsitsel ti chopol jnaclejetic ta banomil ti mu'yuc stuq'uil smelolique, ti me'inem ta yo'ntonic ti mulile, ti ta xchopolal sjol yo'ntonic ta smaquic ya'iic ta be ti c'usi ja' melele.

Bible in Tzotzil de Chenalhó with Deuterocanon

¹⁸ Yu'un lec xvinaj ti ch-ilin tal Dios ta vinajel ta scoj smulic, ta scoj xchopolilic li cristianoetic ti tsc'an tsmaquic ta be c'usi melel ta scoj li xchopolilique.

Tzotzil de Huixtán

¹⁸ Ti Diose chac' ti q'uelel ti chac'be castigo ti much'utic mu sc'an xch'umbat sc'ope, xchi'uc ti much'utic tsa' smulique. Yu'un bol yo'ntonic hech yu'un tscontrainic ti sc'op ti Diose ti ja' melele yu'un mu sc'an chpuc ti sc'op ti Diose.

Romanos 1:18 Kruisverwysings