San Juan 21:11 - Tzotzil San Andres

¹¹ Iꞌoch ta canava li Simón Pedroe, ba snit loqꞌuel ta nab li jnutiꞌcutique. Noj tajmec ta mucꞌtic choy. Oxlajuneb svaxacvinic (153) ta cot li choye. Acꞌo mi ep li choye pero muc bu xjat li stsacobile.

Tzotzil Zinacantan

¹¹ Iꞌoch ta canova ti Simon Pedroe, ba snit loqꞌuel ta tiꞌnab ti jnutiꞌticotique. Noj ta mucꞌtic choy. Oy ciento cincuenta y tres. Acꞌu mi ep ti choye pero muc xjat ti stsacobile.

Bible in Tzotzil de Chamula

¹¹ Ti Simón Pedroe och batel ta yut barco, ti loq'uel xjoch talel ta ti' nab ti smasobil xchoy ti noj ta muc'tic choye, ti tiq'uil nan oxlajuneb xvaxacvinic (153) ta cot ti choye. Manchuc mi noj ta choy ti smasobil xchoyique, mi ja'uc jat.

LEQUIL ACH' C'OP

¹¹ Ti Simon Pedroe, i'och ta canova isnit loq'uel ta ti'nab li snuti'ique, noj ta muc'tic choy, oy ciento cincuenta y tres; ac'u mi ep li choye pero muc' xjat li stsacobile.

Bible in Tzotzil de Chenalhó with Deuterocanon

¹¹ Jech i'och ta canova li Simón Pedroe; la snit loq'uel ta ti'nab li snuti'ique. Pero nojem ta muc'tiquil choy. O'lol xchibal ciento xchi'uc oxcot (153) li choye. Ac'o me ep li choye, pero muc xtuch' li snuti'ique.

Tzotzil de Huixtán

¹¹ Hech yu'un i'och ti barco ti Simon Pedroe. Hech laj snit loq'uel tal ti yut ho' ti jlebtutique. Nojem ti choy. Puru muc'tic choy. Oy ciento cincuenta y tres ti choye. Manchuc mi ep ti choye, muc xtuch' ti jlebtutique.

San Juan 21:11 Kruisverwysings