San Juan 20:26 - Tzotzil San Andres

²⁶ Cꞌalal ilocꞌ vaxaquib cꞌacꞌal ti iyacꞌ sba ta ilel ta jtojolcutic li Jesuse, te tsoboluncutic nojtoc ta yut na, joꞌoncutic li yajchanbalajeltacuncutique. Jaꞌ to te xa jchiꞌucutic li Tomase. Lec jmacojcutic li tiꞌnae, pero li Jesuse te iyacꞌ sba ta ilel ta oꞌlol li yoꞌ bu tsoboluncutique. Jech laj yalbuncutic: ―Junuc me avoꞌonic ―xijyutcutic.

Tzotzil Zinacantan

²⁶ Ti cꞌalal ilaj vaxaquib cꞌacꞌal iquilticotique, jaꞌo tey tsoboloticotic noxtoc ta yut na. Tey xa ti Tomas uque. Lec jmacojticotic ti tiꞌnae. Tey icꞌot noxtoc ti Jesuse. Cꞌalal iquilticotique, tey xa ta oꞌlol yoꞌ bu tsoboloticotique. ―Junuc me avoꞌonic ―xiyutoticotic.

Bible in Tzotzil de Chamula

²⁶ Xvaxaquibal (8) xa c'ac'al yech'el, tsobolic ta jbej na xtoc ti yajchanc'optaque, xchi'uc tey xa oy ec un ti Tomase. Ac'o mi bajal lec ti ti' na yu'unique, och batel ti Jesuse. C'ot sva'an sba ta o'lol yu'unic ti xi laj yale: —Laetuc, siquetuc avo'ntonic.

LEQUIL ACH' C'OP

²⁶ Ti c'alal ilaj vaxaquib c'ac'ale, li yajchanc'optac ti Jesuse te tsobolic noxtoc ta jp'ej na, tey xa ti Tomas uque. Lec smacojic li ti'nae, ac'u mi lec smacojic li ti' nae pero ti Jesuse i'och ech'el, tey va'al ic'ot ta o'lol, c'ot sc'oponelic, ja' yech iyal chac li'i: ―¡Junuc me avo'onic! ―X'utatic.

Bible in Tzotzil de Chenalhó with Deuterocanon

²⁶ C'alal iloc' vaxquib c'ac'ale, te tsobolic yan velta ta na li yajchanc'optac Jesuse. Te xa'ox xchi'uquic li Tomase. Lec macal yu'unic li ti'nae. Ta ora no'ox te ivinaj ta o'lol yut na li Jesuse. Jech laj yal: —Junuc avo'ntonic —xi.

Tzotzil de Huixtán

²⁶ Iloc' vaxaquib c'ac'al ti c'alal laj yac' sba ti q'uelel ti jtojoltutic ti Jesuse. Yan vuelta laj jtsob jbatutic ti na ho'ontutic ti yajchanc'opuntutique. Te jchi'inoj jbatutic xchi'uc ti Tomase. Macal ti ti'nae. Hech no'ox ivinaj ti ora ti Jesuse te ti o'lol yut jnatutic yo' bu jtsoboj jbatutique. Hech laj yalbuntutic: ―Tal jtoj avo'ntonic ―xiyutuntutic.

San Juan 20:26 Kruisverwysings