Hechos 5:2 - Tzotzil San Andres

² Coꞌol la snopic schiꞌuc li yajnil ti mu tsꞌacluc ta xaqꞌuic li stojol li yosilique. Jech muc xichꞌ ba scotol li cꞌalal ba yacꞌbe ta scꞌob li yajtacbalaltac li Jesuse.

Tzotzil Zinacantan

² Pero coꞌol la isnopic xchiꞌuc ti yajnile ti mu tsꞌacluc chacꞌ ti stojol yosilique. Yechꞌo la ti muc xichꞌ echꞌel scotole ti cꞌalal ba acꞌbaticuc li apoxtoletique.

Bible in Tzotzil de Chamula

² Ti vinic taje, co'ol laj scomonopic xchi'uc ti yajnil ti laj xch'ac comel j'olol ti taq'uine. Yich'oj batel ti o'lol ta stojol ti jcholc'opetique, co'ol s'elan ts'acal yilel ti taq'uine.

Bible in Tzotzil de Chenalhó with Deuterocanon

² Co'ol la snop xchi'uc yajnil ti tsnac' comel j'o'lol li stojol yosilique. Jech mu scotoluc laj yich' batel ta stojol li yajtacbolaltac Jesuse.

Tzotzil de Huixtán

² Hech yu'un hech laj snopic xchi'uc ti yajnile ti mu ts'acaluc chaq'uic ti stojol ti sbalumile. Hech yu'un mu scotoluc laj yich' tal ti Ananíase ti tal yac'be ti jcholc'opetique.

Hechos 5:2 Kruisverwysings