Hebreos 9:13 - Tzotzil San Andres

¹³ Yuꞌun jech la jpastic toꞌox. Mi oy cꞌusi icꞌot ta pasel cuꞌuntic ti scꞌan ta xquichꞌtic lecubtasel ta sventa chꞌichꞌ chil li Diose, laj cacꞌ jbatic ta vijel ta schꞌichꞌel tot vacax, mi ta schꞌichꞌel tot tentsun, mi ta stanil chexel tsebal vacax li te chicꞌbil ta schicꞌobil smoton li Diose. Jech lec lijyilutic li Diose, joꞌotic ti liꞌ oyutic ta balumile.

Tzotzil Zinacantan

¹³ Ti chꞌichꞌel becerroe, xchiꞌuc ti chichꞌel chivoe, xchiꞌuc ti tanil cꞌox baca ti livijbatotic ti cꞌalal ijpictic ti cꞌusitic chopole, lec liyilotic o Riox liꞌ ta sba balamile.

Bible in Tzotzil de Chamula

¹³ Jech ono'ox un, xch'ich'el ti tentsunetique, xch'ich'el ti ch'iom tot vacaxetique, stanil ti me' ch'in vacax ti laj yich' chiq'uel ta altare, melel, xtun ti laj yich' vijbel ta sbaic ti buch'utic albil sc'oplal ti mu staq'uic nopele, yo' jech pocbil tusbil ta xc'ot spat xoconic ti ventainbil ta xc'otique.

Bible in Tzotzil de Chenalhó with Deuterocanon

¹³ Li xch'ich'al tot vacax, me xch'ich'al tot tentsun, o me stanil ch'ium me' vacax ti lec c'aq'uem te ta xchic'ubil smoton Diose, itun sventa laj yich' vijel o li boch'o tsbolibtas sbae, jech lecubtasbil icom ta sventa sba sbec'tal.

Tzotzil de Huixtán

¹³ Yu'un hech tspasic li' ti balumile. Chaq'uic ti lecubtasel sbec'talic xchi'uc ti xch'ich'el vacaxe, mi xch'ich'el totil chivoe, mi stanil unen vaca ti c'aq'ueme, ja' no'ox yu'un ti c'uc no'ox chc'ot ti pasel yu'unique. Yu'un oy smul ch-ilatic yu'un ti Diose.

Hebreos 9:13 Kruisverwysings