Hebreos 7:2 - Tzotzil San Andres

² Li Abrahame lic schap ta juchop scotol li cꞌustic la spoj sutele. Jujun la sloqꞌues ta lajlajuneb. Jaꞌ la sloqꞌues li bu más lequique, laj yacꞌbe li banquilal pale Melquisedeque. Li Melquisedec sbie, jaꞌ “tuqꞌuil ajvalil”, xi smelol. Yan li “ajvalil yuꞌun Salem” xi scꞌoplale, jaꞌ smelol ti jun yoꞌonic li buchꞌutic sventainoje.

Tzotzil Zinacantan

² Ti Abraame lic snit ta lajlajuneb ti cꞌusitic ispoj sutel tale. Ta lajlajunebe jujun isloqꞌues. Ti bu isloqꞌuese, jaꞌ iyacꞌbe ti Melquisedeque. Ti Melquisedec sbie, “lequil preserente”, xi smelol. Ti “preserente ta Salem” xi scꞌoplale, jaꞌ smelol ti mu cꞌusi xal yoꞌonic ti muchꞌutic scuentainoje.

Bible in Tzotzil de Chamula

² Jech ti Abrahame laj yac'be ti jujun ta lajlajuneb ti c'u yepal laj sta ti c'alal tsalvan ta letoe. Ti biil Melquisedeque ja' smelol ta xal ti “ajvalil yu'un ti lequilale”. Ti jech ajvalil yu'un ti jteclum Saleme, ja' smelol ta xal xtoc “ajvalil yu'un ti lamajesej c'ope”.

Bible in Tzotzil de Chenalhó with Deuterocanon

² Ja' laj yich' li jujun ta lajlajuneb c'usitic la spoj sutel tal li Abrahame. Li sbie oy lec smelol. Li sbae “ajvalil yu'un tuq'uil chapanel”, xi smelol. Li yane “ajvalil ta Salem”, xi. Ja' smelol “ajvalil yu'un jun o'ntonal”.

Tzotzil de Huixtán

² Ti Abrahame lic stus ti lajlajuneb scotol ti c'utic oy yu'un ti j'eleq'uetique ti laj spojbe tale. Jujun laj sloq'ues ti lajlajuneb. Ti c'u yepal laj sloq'uese ja' laj yac'be ti totil palee, ja' ti Melquisedeque. Yu'un ti Melquisedec xchi ti sbie, “ja' totil ajvalil ti smacoj scotol ti toj o'ntonile”, xchi sjam. Yu'un ti ajvalil yu'un Salem ti xchi sc'opilale “ja' totil ajvalil ti smacoj scotol ti jun o'ntonile”, xchi sjam.

Hebreos 7:2 Kruisverwysings