Filipenses 4:15 - Tzotzil San Andres

¹⁵ Joꞌoxuc li te nacaloxuc ta Filipose, xanaꞌic ti muꞌyuc buchꞌutic yan ti yichꞌojic ta mucꞌ li Cajvaltic ti liscoltaic li cꞌalal lilocꞌ ta avosilalic li te ta Macedonia balumil cꞌalal sba toꞌox a calboxuc li scꞌop Diose. Joꞌoxuc noꞌox la acoltaicun.

Tzotzil Zinacantan

¹⁵ Voꞌoxuc ti liꞌ nacaloxuc ta Filipose, anaꞌojic ti muc muchꞌu yan liscolta ti cꞌalal lilocꞌ ta estado Macedoniae cꞌalal primero toꞌox ay cal avaꞌiic li scꞌop Rioxe. Atuquic noꞌox acoltaicon.

Bible in Tzotzil de Chamula

¹⁵ C'alal liloc' batel ta alumalic li' ta Macedoniae yo' ta xba cal ti colebal lequil ach' c'op ta yan partee, xana'ic lec ti mu'yuc yan jch'unolajeletic laj scoltaicune. Ja' no'ox ti vo'oxuc tsoboloxuc ta Filipose, laj atacbeicun talel ti coltael ta sventa ti laj ava'iic ti lequil ach' c'ope.

Bible in Tzotzil de Chenalhó with Deuterocanon

¹⁵ C'alal ay jliques spuquel sc'op Dios te ta avosilalic vo'oxuc li jch'unolajeloxuc te ta Filipose, lec xana'ic ti mu'yuc yan jch'unolajeletic laj yac'bicun c'usi itun cu'un c'alal liloc' batel te ta Macedonia banamile, ja' no'ox vo'oxuc atuquic laj acoltaicun.

Tzotzil de Huixtán

¹⁵ Ho'oxuque ti te nacaloxuc ti Filipose, chana'ic ti ho'on jbael laj jchol ti lequil ach' c'ope te ti alumalique. Chana'ic uc ti c'alal niloc' batele te ti Macedoniae, ja' ti estado avu'unique, mu'yuc bu hech laj scoltaucun ti yan jch'unojeletique. Mu'yuc c'usi laj yac'bucun. Atuquic no'ox laj acoltaucun.

Filipenses 4:15 Kruisverwysings