Filipenses 1:14 - Tzotzil San Andres

¹⁴ Ta sventa ti ximuybaj cꞌalal liꞌ tiqꞌuilun ta chuquele, ep xa itsatsub yoꞌonic li buchꞌutic yichꞌojic ta mucꞌ li Cajvaltique. Jaꞌ yuꞌun mu xiꞌic ta yalel li scꞌop Diose, jamal ta xalic eꞌuc.

Tzotzil Zinacantan

¹⁴ Lavi ochemon ta chuquele, jutuc xa mu scotolicuc iꞌochic ta yalel aꞌyuc scꞌop Riox li muchꞌutic xchꞌunojic xae. Muc ta alel yuꞌunic mi xꞌochic o ta chuquel uc. Yuꞌun ixchꞌunic uc ti chcoltaatic ta yalel aꞌyuc yuꞌun ti Cajvaltique.

Bible in Tzotzil de Chamula

¹⁴ C'alal laj yilic ti jch'unolajeletic ti ochemun ta chuquele, jutuc xa mu scotolicuc mu ta xi'eluc ta xalic ti sc'op Diose. Yu'un x'ech' to laj spat yo'ntonic ta stojol ti Cajvaltique.

Bible in Tzotzil de Chenalhó with Deuterocanon

¹⁴ Ep xa jch'unolajeletic itsatsub yo'ntonic ta stojol Cajvaltic ta sventa ti li' chuculune. Lec tsots yo'ntonic jamal chalic batel li sc'op Diose, mu'yuc xi'el cha'yic.

Tzotzil de Huixtán

¹⁴ Ep ti quermanotique ti itsatsub xa yo'ntonic ti stojol ti Cajvaltique ti sventa ti li' chuculun li'to. Hech yu'un yac'ojic persa jamal chalic ti sc'op ti Diose. Mu xa xi'ic.

Filipenses 1:14 Kruisverwysings