2 Timoteo 2:4 - Tzotzil San Andres

⁴ Li soltaro ti batem ta pascꞌope persa ta schꞌunbe smantal li buchꞌu itiqꞌue ta soltaroile. Mu xuꞌ ta sticꞌ sba ta yan o abtel. Jaꞌ noꞌox jech eꞌuc li joꞌotique, icꞌbilutic yuꞌun li Jesucristoe, jaꞌ yuꞌun persa jaꞌ noꞌox ta jchꞌuntic li cꞌusi chijyalbutique.

Tzotzil Zinacantan

⁴ Li soltero batem ta acꞌ cꞌoqꞌue ta xchꞌunbe smantal ti muchꞌu iticꞌon o ta solteroale yuꞌun jaꞌ tscꞌan ti lec scꞌoplale. Mu xuꞌ saꞌ yan yabtel. Jaꞌ noꞌox yech li voꞌotic uque, yicꞌojotic ti Jesucristoe, yechꞌo un jaꞌ tscꞌan ta jpastic ti cꞌusi chiyalbotique mi ta jcꞌantic ti lec jcꞌoplaltic yuꞌune.

Bible in Tzotzil de Chamula

⁴ Ti ta sc'an ti lec x'ile yu'un ti banquilal jpas-mantal ti jun soldadoe, sc'an ti mu xba stic' sba ta yan abtele.

Bible in Tzotzil de Chenalhó with Deuterocanon

⁴ Li boch'o ochem ta soldadoile mu xu' chbat stic' sba ta yan abtel. Ja' no'ox tsc'an ac'o spas c'usi tsc'an li boch'o i'ic'at yu'une, yu'un jech lec ch-ilat.

Tzotzil de Huixtán

⁴ Ti much'u ochem ti soldadoe, ja' te oy yo'nton ti much'u itic'at ti soldado yu'une, hech lec ch-ilat yu'un. Ti ho'ucutique ja' no'ox hech uc ti stojol ti Cajvaltique. Mu me xbat co'ntontic ti c'utic oy li' ti balumile.

2 Timoteo 2:4 Kruisverwysings