2 Corintios 9:7 - Tzotzil San Andres

⁷ Jaꞌ yuꞌun li jujunoxuque aqꞌuic li cꞌu yepal anopoj chavaqꞌuique. Mu me ta schibaluc avoꞌonic xavaqꞌuic, mu me ta sujeluc xavaqꞌuic. Yuꞌun li buchꞌu ta slequil yoꞌon ta xacꞌ li cꞌusi oy yuꞌune, jaꞌ cꞌux ch‐aꞌiat yuꞌun li Diose.

Tzotzil Zinacantan

⁷ Yechꞌo un jujuntal xanopic ti cꞌu yepal chavaqꞌuique. Sjunul me avoꞌon xavaqꞌuic, mu me ta sujeluc, yuꞌun li muchꞌu sjunul yoꞌon chacꞌ li cꞌusuc yuꞌune, jaꞌ cꞌanbil yuꞌun ti Rioxe.

Bible in Tzotzil de Chamula

⁷ Ti jujune ac'o yac' ti c'u yepal ac'bat sna' yu'un ti sjol yo'ntone, ti ma'uc xchibal yo'ntone, ti ma'uc sujbile, yu'un ta xc'uxubine yu'un Dios ti buch'u xmuyubaj ta xaq'ue.

Bible in Tzotzil de Chenalhó with Deuterocanon

⁷ Jech jujunoxuc aq'uic ti c'u yepal chloc' ta avo'ntonique. Mu me ta chibeteluc; mu me ta sujeluc xavaq'uic. Yu'un ja' chc'anat yu'un Dios li boch'o xcuxet no'ox yo'nton chaq'ue.

Tzotzil de Huixtán

⁷ Jujun ac'o yac' ti c'u yepal snopoj ti yo'nton. Mu me vocoluc ti chaq'ue. Mu me ti sujeluc chac'. Yu'un ja' c'ux ti yo'nton ti Diose ti much'u nichim no'ox yo'nton chac' ti motonil c'usi oy yu'un.

2 Corintios 9:7 Kruisverwysings