1 Timoteo 6:4 - Tzotzil San Andres

^4-5 Li buchꞌutic muc bu jech ta xchanubtasvanique yuꞌun noꞌox tstoy sbaic. Spꞌisoj sbaic ti lec snaꞌ stuquique. jaꞌ noꞌox batem ta yoꞌonic chitꞌixan sbaic ta yalel loꞌil. Jaꞌ jech ta spasic li buchꞌutic chꞌayemique yuꞌun mu snaꞌic li cꞌusi melele. Ta sventa ti jech ta spasique ta xlic o cꞌop yuꞌunic, ta scontrain sbaic o. Chlic snaꞌle sbaic, chlic sjutbe sbaic cꞌop. Te chlic scontrain o sbaic. Jaꞌ noꞌox batem ta yoꞌonic ti ta scꞌan ti jaꞌ ta xꞌochic ta jchanubtasvaneje yuꞌun ta snopic ti jech ta staic o ep taqꞌuine. Ta snopic ti jaꞌ ta spasic o ta jcꞌuleje. Li buchꞌutic jech ta snopique mu me xachiꞌin.

Tzotzil Zinacantan

^4-5 Ti muchꞌutic maꞌuc yech ta xchanubtasvanique yuꞌun tstoy noꞌox sbaic. Yuꞌun ta snopic ti stuc noꞌox snaꞌ ti yalojique. Jaꞌ noꞌox lec chaꞌiic ti xalxalbe sbaic ti cꞌusi scꞌopique, chitꞌixan sbaic. Ti muchꞌutic mu to ta xchꞌunic li scꞌop Rioxe jaꞌ yech ta spasic, jaꞌ ti mu snaꞌique. Ti xꞌelan tspasique, ta xlic o cꞌop yuꞌunic, ta scrontain o sbaic. Chlic slaban sbaic, chlic snopbe sba smulic. Jaꞌ noꞌox tscꞌan ch-ochic ta jchanubtasvanej yuꞌun tsnopic ti tstaic o taqꞌuine. Tsnopic ti jaꞌ chcꞌulejajic oe. Ti muchꞌutic yech yoꞌonique mu me xavacꞌ chanubtasvanicuc.

Bible in Tzotzil de Chamula

⁴ ja' jun toyobba, mu'yuc c'usi sna' ta j'ech'el. Yu'un naca xchamel jolal ta xac' mi xavulvun xchi'uque, ti ja' ta scoj ta xlic ti it'ixal o'ntonale, ti mu jmojuc ti snopbenale, ti naca tsalvanej ta c'ope, ti mu junuc o'ntonale.

Bible in Tzotzil de Chenalhó with Deuterocanon

⁴ ma'sat c'otem ta stoyobbail; mu'yuc c'usi sna'ic o. Ja' no'ox oy ta yo'nton tstsaquilanvanic ta c'op. Ta sventa ti jech tspasique, ta xlic o it'ix o'ntonal, ta xlic o c'op, ta xlic xchopolc'opta sbaic o. Jech chopol chlic yil sbaic o.

Tzotzil de Huixtán

^4-5 Ja' no'ox tstoy sbaic. Tscuy ti sna'ique. Ja' no'ox batem ti yo'nton tsjaq'uilambe sbaic. Ja' no'ox yu'un tsc'an tstsal sbaic ti c'op. Hech tstsaquilan sbaic ti c'op ti much'utic boliben xa yo'ntonique yu'un mu'yuc ti yo'ntonic ti c'usi melele. Hech chlic sbic'tal yo'ntonic, chlic pleito yu'unic. Hech chlic slaban sbaic, hech chlic snopbe sba smulic. Hech yu'un scotol c'ac'al chutilan sbaic. Ja' no'ox oy ti yo'ntonic mi ch-ochic ti jchanubtasvanej hech tspasic ep canal. Tscuyic ti lec ch-ilatic yu'un ti Diose. Mu me xachi'in ti much'utic hech yo'ntonique.

1 Timoteo 6:4 Kruisverwysings