1 Timoteo 6:12 - Tzotzil San Andres

¹² Acꞌbo yipal ta yichꞌel ta mucꞌ li Jesucristoe. Acꞌo cuchuc avuꞌun scotol li vocole. Jaꞌ me chꞌuno o ti chacuxi o sbatel osile, yuꞌun li Diose laj yicꞌot sventa chacuxi o sbatel osil. Schiꞌuc tsots avoꞌon jamal aval ta stojol ep quermanotic ti jech achꞌunoje.

Tzotzil Zinacantan

¹² Achꞌunoj xa ti chascolta ti Cajvaltique, yechꞌo un paso li cꞌusitic leque yoꞌ mu xapas o li cꞌusitic chopole. Jaꞌ chꞌuno ti chacuxi ta sbatel osile. Ti liyicꞌotic ti Rioxe, jaꞌ yoꞌ xicuxiotic o ta sbatel osile. Ti cꞌalal aval ti jaꞌ yech achꞌunoje, ep muchꞌutic iyaꞌiic.

Bible in Tzotzil de Chamula

¹² Ac'bo yipal ta xch'unel ti Cajvaltique. Mu nacauc no'ox laj ava'ibe sc'oplal ti cuxlejal sbatel osil ti c'otem ta aventae. Yu'un ja' ta sventa laj staot ta iq'uel ti Diose, ti jamal laj aval ta sba ta sat rexticoetic ti c'otem ta avo'nton ta xch'unel ti Cajvaltique.

Bible in Tzotzil de Chenalhó with Deuterocanon

¹² Ac'o me persa xch'unel li Cajvaltique, tsotsan me. Oyuc ta avo'nton chavu'unin o li cuxlejal sbatel osile, yu'un ja' sventa ti la'ic'at yu'un Diose, xchi'uc jech jamal laj aval ta stojol ep jch'unolajeletic ti jech ach'unoje.

Tzotzil de Huixtán

¹² Mu me lecuc chavil ti c'op ti mu meleluque. Cholo me ti sc'op ti Diose ti ja' melele. Ja' me xac'an ti chacuxi sbatel osil yu'un hech t'ujbilot yu'un ti Diose. Yu'un jamal avaloj ti stojol ep quermanotic ti chach'umbe sc'ope.

1 Timoteo 6:12 Kruisverwysings