1 Timoteo 3:14 - Tzotzil San Andres

^14-15 Ta jcꞌan chba jqꞌuelot, pero mi mu libat ta orae, ta jtsꞌibabot li cꞌu sba scꞌan chapasbe yabtel Dios li te li yoꞌ bu ta stsob sbaic li buchꞌutic yichꞌojic ta mucꞌ li Diose. Yuꞌun coꞌol lijyicꞌutic xa li cuxul Diose. Jech chac cꞌu chaꞌal jun na ti oy noꞌox yoyal ti vaꞌal oe, jaꞌ noꞌox jechutic eꞌuc, ta sventa ti jchꞌunojtic ti jaꞌ Cajcoltavanejtic li Diose, jech mu xlaj li scꞌop Dios ti jaꞌ melele.

Tzotzil Zinacantan

^14-15 Coꞌonuc tal jqꞌuelot, pero mi muc xital ta orae, chajtsꞌibabe cꞌu xꞌelan tscꞌan chatun yuꞌun Riox yoꞌ bu ta stsob sbaic li muchꞌutic xchꞌunojic li scꞌop Rioxe. Yuꞌun coꞌol yicꞌojotic ti Rioxe ti cuxul ta sbatel osile. Jaꞌ chac cꞌu chaꞌal li nae ti jaꞌ vaꞌal o li yoyale, jaꞌ yechotic yaꞌel uc. Yuꞌun jchꞌunojtic li scꞌop Rioxe, yechꞌo ti mu xchꞌay ti cꞌusi yaloje. Ti cꞌusi yaloje, yech.

Bible in Tzotzil de Chamula

¹⁴ Co'ntonuc jc'an ta xtal jq'uelot no'ox ta anil. Manchuc mi jech un, ta jts'ibabot talel ti jvun li'e,

Bible in Tzotzil de Chenalhó with Deuterocanon

¹⁴ Ta jc'an ta xtal jq'uelot ta ora no'ox, pero ta jts'ibabot tal li'i,

Tzotzil de Huixtán

^14-15 Co'nton jc'an chtal jq'uelot ti ora. Laj jnop ti repenta mi mu xu' chital ti ora, hech yu'un chacalbe ti carta ti c'u che'el chapas ti yabtel ti Diose te ti yo' bu tstsob sbaic ti xnich'nab ti Diose yu'un co'ol ic'bilucutic ti stojol ti Diose ti stalel cuxule. Ti jna'tic ti ja' ti sventa ti pilale ti va'al ti nae. Ja' no'ox hech uc ti ho'ucutique ti sventa ti oy xch'unojel co'ntontique ti mu xtup' ti sc'op ti Diose ti ja' melele.

1 Timoteo 3:14 Kruisverwysings