1 Pedro 5:10 - Tzotzil San Andres

¹⁰ Yuꞌun mi icuch avuꞌunic li vocol li jliquel noꞌox liꞌ ta xquichꞌtique, li Diose chayacꞌbeic stsatsal avoꞌonic, jech jun avoꞌonic chatunic yuꞌun. Li Diose oy ep slequil yoꞌon ta jtojoltic, laj yicꞌutic yoꞌ acꞌo quichꞌtic ta mucꞌ li Jesucristoe, jaꞌ chba jchiꞌintic o ta lequilal sbatel osil.

Tzotzil Zinacantan

¹⁰ Jliquel noꞌox li ilbajinele. Mi icuch avuꞌunique, más ta stsatsubtas avoꞌonic ti Rioxe yoꞌ ti mu xavicta o abaique. Ti Riox ti ta slequil yoꞌon chiscoltaotique, layiqꞌuic yoꞌ xavichꞌic o ta mucꞌ ti Jesucristoe, yoꞌ xba achiꞌinic o ta sbatel osil ta slequilale.

Bible in Tzotzil de Chamula

¹⁰ Ta ts'acal to un, mi ech' cuch avu'unic c'u sjalil ti vocole, jech ti Diose ta xac'boxuc alequilalic, ta xac' avipic yo' ta xats'inan abaic ta stojol. Ja' no'ox stuc ti Diose, ta sventa ti yutsil slequil yo'ntone, laj staoxuc ta iq'uel yo' jech ta xavich'ic ti yutsil slequilal sbatel osil ta sventa ti junoxuc xchi'uc ti Cristoe.

Bible in Tzotzil de Chenalhó with Deuterocanon

¹⁰ Me icuch avu'unic li vocol ti jliquel no'ox li' chquich'tique, li Dios ti toj ep slequil yo'ntone, ti laj yic'oxuc yu'un ac'o bat achi'inic ta slequilal ta sventa ti ach'unojic li Jesucristoe, chayac'boxuc lec stsatsal avo'ntonic, chaspasboxuc ta jun avo'ntonic, chasnacanboxuc lec avo'ntonic.

Tzotzil de Huixtán

¹⁰ Ep yutsil yo'nton cu'untic ti Diose hech yu'un laj yic'ucutic ti stojol yu'un ti sventa ti Jesucristoe chba jq'uelbetic yutsil yo'nton sbatel osil. Hech yu'un mi its'ic avu'unic ti vocole yu'un j'oc' no'ox chquich'tique, patil chasmuc'ubtasbot avo'ntonic ti Diose, chastsatsubtasbot avo'ntonic hech más ep ch-an yip avo'ntonic, hech jun avo'ntonic cha'abtejic yu'un.

1 Pedro 5:10 Kruisverwysings