1 Corintios 14:5 - Tzotzil San Andres

⁵ Lec chcaꞌi mi acotolic chacꞌopojic ta yan o cꞌope, pero jaꞌ más tsots scꞌoplal chcaꞌi mi ta acꞌop atuquic chavalic li cꞌusi chayacꞌbe anaꞌic li Diose. Yuꞌun li buchꞌu ta scꞌop stuc ta xal li cꞌusi ta xꞌacꞌbat snaꞌ yuꞌun li Diose, jaꞌ más tsots yabtel. Yan li buchꞌu ta yan o cꞌop ta xcꞌopoje, jaꞌ mu tsotsuc yabtel yichꞌoj. Jaꞌ to mi oy buchꞌu chjelubtasbat li scꞌope, jaꞌ to jech ta stsatsubic o ta stojol li Dios li buchꞌutic yichꞌojic ta mucꞌ li Cajvaltique.

Tzotzil Zinacantan

⁵ Lec chcaꞌi mi chacꞌopojic acotolic ta yan o cꞌope, pero más lec chcaꞌi mi chavalic ta acꞌop atuquic ti cꞌusi chayalbeic ti Rioxe. Yuꞌun ti muchꞌu chal ta scꞌop stuc ti cꞌusi ch-albat yuꞌun ti Rioxe, jaꞌ más tsots scꞌoplal. Yan ti muchꞌu chcꞌopoj ta yan o cꞌope, mu másuc tsots scꞌoplal. Jaꞌto mi oy muchꞌu tsjelubtase, bal chaꞌiic li xchiꞌiltac ta xchꞌunel li scꞌop Rioxe.

Bible in Tzotzil de Chamula

⁵ Jc'anuc ca'i ti acotolicuc xu'uc avu'unic ta xac'opojic ta yan c'opetique. Ja' xloc' venta ta xca'i ti xu'uc avu'unic ta scaj'alel ti oy c'usi ta xa'ac'bat ana'ic yu'un ti Diose, xloc' venta ma' taje, ja' mu sta sc'oplal ti c'opojel ta yan c'opetique. Ja' no'ox xloc' venta mi oy buch'u ta xalbe smelol ti c'usi ta xich' alel ta yan c'opetic yo' ta stsac yip yo'ntonic ti jch'unolajeletique.

Bible in Tzotzil de Chenalhó with Deuterocanon

⁵ Lec chca'ay me acotolic xu' chac'opojic ta yan c'ope, pero ja' tsots sc'oplal chca'ay ti ja' ac'o avalic c'usi tsc'an Diose. Yu'un ja' muc' yabtel chc'ot li boch'o ja' chal c'usi tsc'an Diose. Ja' mu sta jech li boch'o chc'opoj ta yan c'ope, yu'un tsc'an chich' jelubtasel li c'usi chale, yu'un jech xu' tstsatsubic ta stojol Dios li jch'unolajeletique.

Tzotzil de Huixtán

⁵ Lec mi na'ac'bat ap'ijilic acotolic yu'un ti Ch'ul Espíritue yu'un hech xu' ti ora no'ox chac'opojic ti c'uc no'ox c'opal. Pero ja' más to lec mi chavalic ti sc'op ti Diose ti ac'opique. Yu'un ti much'u chal ti sc'op ti Diose, ja' más tsots yabtel yich'oj. Ti much'u xu' chc'opojic ti ora no'ox ti ep ti tos c'opetique, ja' mu tsotsuc yabtel yich'oj. Ja'to mi oy much'u chjelavesbat ti sc'ope, ja'to xu' chp'ijub scotol ti jch'unojeletique.

1 Corintios 14:5 Kruisverwysings