ZAKHARIA 12:5 - Susula Malalaok Hehelu Palak Ma Hehelu Beuk

⁵ Boema Yehuda teidalen-nala, neukose bekola lai dalen-nala dalek lae, ‘Manetualain Fo Manakoasa, nde fe be'i-balakaik neu anan manaleo nai Yerusalem-mala.’

ZAKHARIA 12:5 Kruisverwysings

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

MAZMUR 18:32

Nana ka'da Amak-ka nde Manetualain-na; ita manamasala'en-na, ka'da nde Manetualain.

MAZMUR 144:1

Dauk Kokoa-kikiok. Koa-kio Manetualain, fo au manamasulu-mahapang-nga! Ana nanoli au nahotek, ma natee-natatik-ka.

MAZMUR 18:39

Au bala abuus, losa ala ta hapu fo'a so'on, ala bala leu dae, de male henis lai au ei tata'bu daenga.

YESAYA 28:6

Neukose Manetualain fe ndoos ma matetuk-ka neu basa manakee-manafula-la, ma napalanik neu hataholi fo, manahapu bela-ba'uk fo lanea kota neme musu mamain-na.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

YESAYA 60:17

Au uni lilopilas, fo nggati liti, ma lilofulak, fo nggati besi. Au fe liti, fo nggati ai, ma besi, fo nggati batu. Neukose Au tao-a, o nusam-ma nee-nee lino-linok, ma mole-dame, ma nanapaletak no ndoos ma matetuk.

YESAYA 32:1

Mete leona, te neukose fain-na losa, manek esa, ana paleta no ndoos ma matetuk, ma leoina mauli-malangan-nala, lakalala'ok ndoos ma matetuk-ka.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 1:26

Neukose Au fe seluk emi manakee-manafula, ma manamanoli-mafa'dak sama leo makahulun-na. Soona neukose Yerusalem nanafoik na'de kota fo, ndoos ma matetuk, ma manalilinekak.”

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 1:10

Yerusalem, basa mauli-malangan, ma emi leoinam-ma, da'di sama leo hataholi Sodom ma Gomora so. Mamanene hata fo, Manetualain nafa'dan neu emi; taoafik neu hata fo, ita Manetualain-na, nanolin neu ita.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

HAKIM-HAKIM 5:9

Neu basa Israel malanga solda'du matuainan, ala fe aoinan-nala no sila dale hihii-nanau mesan-na, au anduku-alosak au kokoa-kikiong neus. Koa-kio Manetualain leona!

ZAKHARIA 12:4

Nai faik ndia, neukose Au tao-a basa ndala-la lapangamak ma manasa'en-nala lamulu, neukose Au anea laun Yehuda, tehu Au tao apoke basa ndala musun lala'en-na.

ZAKHARIA 14:14

Touk manai Yehuda-la, neukose latee-lata'ti soaneu lasala'e Yerusalem. Neukose ala ho'i-la, basa leoina manai boboa-kaisun-nala hata-heton, da'di leo bua-lo'a kakalok, fo nalupa lilopilas, lilofulak ma bua-lo'a papakek-kala ladodou.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.