YOHANIS 8:12 - Susula Malalaok Hehelu Palak Ma Hehelu Beuk

¹² Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

YOHANIS 8:12 Kruisverwysings

YOHANIS 12:46

Au mai leo daebafak ia mai fo da'di mangale'dok, fo ela basa hataholi fo lamahele Au a, ala boso leo nai makahatu ka dalek.

YOHANIS 9:5

Lelek fo Au bei nai daebafa ka, Au nde mangale'do daebafa ka.”

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

MATEOS 5:14

Emi ia mangale'do daebafak. Kota manai pupukuk lai na, kota ndia ta hapu nananafunik fa.

AYUB 33:28

Manetualain ta nau au u leo hataholi manamatek-ka, daebafan-na u fa, nalosa besak ia, au bei aso'da.

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

YESAYA 9:2

Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

HATAHOLI 13:47

Nana Lamatua ka fe ami paleta nde ia. Lamatua ka nae, ‘Au hele basa emi, da'di mangale'dok ba'eneu leoina ta Yahudi la, fo ela emi mini maso'dak fe hataholi daebafa ka lala'ena.’ ”

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

HATAHOLI 26:23

fo nde Mane Mana Fe So'dak, fo Manetualain helu ka, Ana muse doidoso ma Ana da'di hataholi makasososak fo naso'da falik neme mamate sa mai, fo ela no enok ndia, Ana hapu tui-benga mangale'do ka, fo nde maso'da ka, nau ba'eneu hataholi Yahudi la do hataholi ta Yahudi la boe.”

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

NINITAK 21:24

Leoina manai daebafa kala, neukose ala la'ok nai ndela-sa'a na dalek, ma mane-mane kala boeo neukose lini su'i-bete nala leo kota ndia dalek neu.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

2 PETRUS 2:17

Mese pepekok sila la, sama leo oe mata ma'da ka, ma sama leo kode ndenuk fo ani-sangu fuus ala. Manetualain sadia basa sila mamana na nai mamanak esa, makahatuk nanseli.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

MAZMUR 49:19

Nakalenak, metema hataholi esa, ua-nalen malole nai maso'dan-na dalek, fo nanakoa-nanakiok nanahu ua-nale malolen-na soona,

YOHANIS 12:36

Mamahele mangale'dok ndia beidai bei hapun nai emi dalek, fo ela emi da'di ana mangale'dok.” Yesus kokolak basa nae leondia boema, Ana la'oela mamanak ndia, nana Ana ta nau natu'du aoina na neu hataholi sila la so'on.

1 YOHANIS 1:6

Metema ita tafa'da tae, ita taso'da da'di esa ton, te se'kona ita taso'da nai makahatu ka dalek, soona ita tasapepeko tunga hala-kokola ka, ma tunga tatao-nono'i ka boe.