YESKIAL 7:10 - Susula Malalaok Hehelu Palak Ma Hehelu Beuk

¹⁰ Fai susa-soe ba'eneu leoina Israel-la, ana losa so. Naseti-nalakak-ka, nai basa mamanak lala'en-na. Koao-ndaeaok-ka, popo-tama nakandoo.

YESKIAL 7:10 Kruisverwysings

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

AMSAL 14:3

Hu kande hataholi nggoak-ka manakoao-ndaeaon-na, de ana hii namatutua-namadedema aoinan-na; tehu hataholi manatee-tenok-ka, neukose dede'a-kokolan nasulu-nahapan.

BILANGAN 17:8

Balahaa, fo nai lelek Musa neu leo Manetualain Lalaa Teman dale neu, te nita Harun ai tete'en-na, fo nde leo Lewi-a ai tete'en-na, nanupu so. Ai tete'ek ndia napako, nabuna, de naboa ketapang boak, tehu boan-na lasik so!

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

YESKIAL 21:13

nana Au fola Au anang-ngala, metema ala ta nau tao labebeu ha'da-tataon-nala fa soona, neukose basa sila-la tu'da la'es.’

YESKIAL 21:10

Fofola namatanen, fo ela ana bisa taonisa hataholi, fofolan fo ela isin-na nangale'do. Ta hapu seluk namahokok ba'eneu Au anang-ngala so'on, nana ala ta taoafik neu basa nasanene'dak ma hoholo-lalanek lala'en-na fa.

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 7:6

Besak ia, basa hata lala'en-na, nate'e so. De o fai mate'em-ma nde ia. Ta hapu namahehenak seluk, ba'eneu o so'on.

YESAYA 28:1

Soe ba'eneu kota fo, basa manamafuk Israel-la dalen-nala lamatua neun! Lole-napun hii-hii nae mopon, sama leo bunga fo, ana male nai sila langan lain. Soe ba'eneu kota mademaina, nai pupukuk lain, nai bafak malolek-ka tala'da, henuk no maninu angol fo, langan-nala he'dis-sa so

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

MAZMUR 89:32

metema ala ta taoafik neu, Au nakeketung-nga, ma ala ta ho'u lahele, Au nakaneneteng-nga fa soona,

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

YESAYA 21:12

Boema au ataa ae, “Neukose fafaik-ka, ana losa, tehu le'odae boe. Metema o matane soona, mai leona, fo matane seluk.”

YESKIAL 12:23

Nah, mafa'das mae Au, Manetualain Fo Mademaina, fe natataan-na nde ia: Neukose Au loseheni dede'a lasik ndia, nalosa ala ta kokolak-kana nai Israel so'on. Mafa'das mae, dede'a lasik ndia nggatin-na nae fain-na losa so, de dede'a nafa'da elak lala'en-na, neukose ala da'di.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.