NEHEMIA 7:2 - Susula Malalaok Hehelu Palak Ma Hehelu Beuk

² Au fe au tolanoong Hanani paleta kota Yerusalem ma, ma au fe Hananya da'di malanga solda'du manai lain soaneu kota musu-a, nanahu ndia lena neme hataholi fe'ek-kala mai, ana bii-namata'u neu Manetualain ma hapu nananamahelek.

NEHEMIA 7:2 Kruisverwysings

KEJADIAN 42:18

Neu faik ka telun-na boema, Yusuf nafa'das nae, “Au hataholi fo bii ma tunga neu Manetualain. Neukose au po'i emi no nonokek esa.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

1RAJA-RAJA 18:3

Hu ndia de Ahab naloo Obaja fo mai nataa. (Obaja nde been-na uma manek-ka malanga uma loon-na. Hataholi ia nde been-na hataholi esa, te'e-te'e ana hule-haladoi neu Manetualain.

NEHEMIA 1:2

Nai lelek ndia, au tolanoong Hanani, neme Yehuda mai sama-sama no hataholi de'ubee. Boema au atanes la'eneu nai Yerusalem leobek so, ma hataholi fo manafali ma'is leme mamana okak manai Babel la.

NEHEMIA 13:13

Au adenu hataholi fo na'den-nala nde dae ia, fo lanea kama pepe'da nana'ak sila-la: Imam Selemya, Zadok, fo hataholi esa malelaina nai Hoholo-lalanek-ka dalek, ma Pedaya fo hataholi Lewi ndia. Au fe bela-ba'uk neu Hanan fo Zakur anan-na ma Matanya upun-na, fo ala fali hataholi sila-la. Au bubuluk ae hataholi sila-la hapu nananamahelek, de neukose ala ito-ato bua-lo'as sila baba'en-na neu nonoo manatao belan-nala, tunga matetun-na.

NEHEMIA 2:8

Fe'ek neme ndia mai, au boeo oke susulak soaneu Azaf, fo nusak-ka manamanea nulan-na, fo ela ana sadia ai soaneu kota musu lelesuinan-na, deka no Manetualain Uman-na, ma soaneu kota papala nanadaman-na, boema uma fo neukose au leo nai dalek-ka. Manek-ka tao natetu basa au nonokeng sila-la, nanahu Manetualain tulu-fali au.

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

NEHEMIA 7:3

Au afa'das ae, “Metema le'do-a tii soona, besak-ka soi lelesuina Yerusalem-ma, ma beita nggati manamanea le'donosok-kala fa te, lelesuina muse nanakenak so, ma tao ai betubalan-na neu. Fe'ek neme ndia mai, muse hele manamanea neme laun Yerusalem-ma dalek mai, fo nggelok lanea nai uma naneak-ka, ma nggelok bai soona, ala la'ok ndondolo mamanak manai sila uman-nala boboa-kaisun.”

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

MAZMUR 101:6

Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.

KELUARAN 18:21

Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

DANIAL 6:4

Tu'tik-ka no lai-laik, ala bubuluk se'kona Danial tatao-nono'in malole lena neme gobelnol-lala ma manamanea fe'e-fe'ek-kala mai. Hu ndia de, manek-ka nau so'un da'di manakoasa nai nusak-ka lala'en-na.

BILANGAN 12:7

Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak.

MATEOS 24:45

Boema Yesus kokolak seluk nae, “Metema leondiak soona, malalau-maoono bee ka nde mana lilinekak ma manatee teno ka? Ndia nde tua na so'un da'di malangan neu malalau-maoono fe'e kala, fo ela ana fes la'a-linu la'e fai na.

MATEOS 25:21

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek ba'u ka neu o. Masok leo dalek ia mai, fo mamahoko sama-sama mo au!’

1 KORINTUS 4:2

Malalau-maoono leondia ka, bela-ba'u makasososa na nde ana muse lilineka neu tua na.

2 TIMOTIUS 2:2

Makahulu na, o mamanene au nanoli ngala neme hataholi makadoto kala matan so, de ela leo bee na o manoli nanolik sila la neu hataholi fo, o mamahele, tete'e ka hataholi sila la, lanoli lalelak hataholi fe'ek.