NEHEMIA 13:4 - Susula Malalaok Hehelu Palak Ma Hehelu Beuk

⁴ Ndia beita te Imam Elyasib, fo ana hapu bela-ba'uk nanea kama-kama nana'ak manai Manetualain Uman-na, nanuu tututi malole no Tobia.

NEHEMIA 13:4 Kruisverwysings

NEHEMIA 12:10

Imam Matuaina Yesua, tititi-nonosin nde ia: Yesua, Yoyakim, Elyasib, Yoyada.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

NEHEMIA 13:28

Yoyada nde been-na Imam Matuaina Elyasib-pa anan, tehu Yoyada ana esa da'di manafeuk neme Sanbalat neme kota Bet-Horon-na mai. Hu ndia de, au usi heni Yoyada neme Yerusalem mai.

NEHEMIA 2:10

Tehu lelek Sanbalat, fo hataholi Bet-Heron ndia, ma Tobia, fo manapaleta esa neme Amon mai, namanene lae au mai soaneu leoina Israel-la paluun-na boema lasasale dale lanseli.

NEHEMIA 3:1

Ia nde been-na hala nafafa'dak la'eneu tao leo bek de Yerusalem papala nanadaman-na nanatao nahiik. Imam Matua Elyasib-pa no nonoon-nala lafofo'a falik Lelesuina Bi'ilopo-a ma ala pasak lelesu-la doon-na, de ala fe hehelin ba'eneu Manetualain. Ala tao lahiin de ala fe hehelik papala nanadamak-ka losa Uma Puni Madema Natun Esa ma losa leo Uma Puni Madema Hananeel-la neu.

NEHEMIA 6:1

Sanbalat, Tobia, Gesyem ma ami musu fe'em-mala lamanene lae ami tao mahii basa papala nanadamak-ka ma lae ami dama ketu basa bolon-nala, leomae nai lelek ndia, ami beita tao kota lelesuinan-nala doon-nala leu fa.