NEHEMIA 1:9 - Susula Malalaok Hehelu Palak Ma Hehelu Beuk

⁹ Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

NEHEMIA 1:9 Kruisverwysings

1RAJA-RAJA 8:48

Metema nai nusak ndia, sila no dale ndoos ma te'e-te'e tukatei-saledale leme sala-singo nala mai, ma ala hule-haladoi neu O no lasale leo nusak fo O fen neu ami bei ba'i kai mala ia, lasale leo kota fo O nde helen na, ma uma hule-haladoik fo au afofo'a basan soaneu O ia,

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

1 TAWARIKH 16:35

Mafa'da mae, “Ou Manetualain, fo ami Manasoi-manatefa ma, soi-tefa mala ami neme leoinak-kala koasan-na mai ma tao makabubua falik ami fo ela ami hapu moke makasi ma koa-kio O na'de malalao-malalafum ma!”

EZRA 6:12

Ela leo been-na, Manetualain fo manahele basa Yerusalem, da'di leo Ndia mamanan fo ala sene-do'ok-kana, tao namate-namopo manek do leoina, fo napalani lena-la'ban paleta ia, ma ana so'ba-so'ba tao nakalulutuk Manetualain Uman manai Yerusalem ndia. Au, Darius, nde fe paleta ia. Makalala'ok-kana no malole-malole.”

MAZMUR 106:47

Soi-tefa-mala ami, ou ami Amam Manetualain, Tao makabubua ami nai leoina-la tala'da, fo ela ami hapu moke makasi, ma koa-kio O na'dem fo, malalao-malalafuk-ka.

MAZMUR 107:3

Ana tao nakabubua basa emi, neme nusa dea-la mai so, neme dulu ma muli, kii ma kona mai.

MAZMUR 147:2

Neukose, Manetualain tao nabebeu Yerusalem; neukose, no falik hataholi nanatu'u-tapak-kala.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YEREMIA 6:22

Manetualain nafa'da nae, “Leoina esa, ana mai neme nusa dook, fo nai kii. Ala mai fo latee-latati.

YESKIAL 14:6

Boeo, mafa'da hataholi Israel-la mae Au, Manetualain Fo Mademaina, nafa'da nae, ‘Tukatei-saledale, neme o sala-singom-mala mai, ma tu'u-tapa heni, o sosongo-tatangom fo, nanamaluak ndia.’

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

ZAKHARIA 8:7

Neukose Au soi-tefa ala, Au anang-ngala leme nusa-nusak fo mamanak, ala foo lenis-sala,

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

ULANGAN 12:21

Metema, emi Manetualaim-ma hele mamanak-ka, dook-ka nanseli neme emi mamana leleom-ma mai soona, emi bole do'do sapi esa, bi'ilopo do bi'ihiik, fo Manetualain fe emi kala, fo mi'a su'di bebe'ik-ka, nai emi mamanam-ma, sama leo au afa'da basan neu emi so.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 30:1

“Besak ia, emi bole hele baba'e-papalak do soo-supak-ka, sama leo au afa'da mangalele'do basan neu emi so. Metema emi la'ola'di basa doidosok sila-la, ma emi maso'da nai leoina nusa dea-la tala'da, nai mamanak fo, emi Manetualaim-ma tao tapasasala emi-a soona, neukose emi mafandele neu hata fo, au fe emi helek-ka.