NEHEMIA 1:7 - Susula Malalaok Hehelu Palak Ma Hehelu Beuk

⁷ Ami malelesi basa O ma ami la'olena O paletam-mala so. Ami ta tunga hoholo-lalanek fo O fen neu ami tunga Musa, fo O atam ndia.

NEHEMIA 1:7 Kruisverwysings

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

2TAWARIKH 25:4

Tehu ana ta taonisa hataholi mana'a ngga'di sila-la anan-nala fa, nanahu ana tunga Manetualain paletan-na nai Musa Susulan dale fo liin-na nae, “Boso hukumisa ina-amak nanahu tatao-nono'i managalauk fo sila anan-nala tao-no'ik-ka, boema boso hukumisa ni'iana-la nanahu tatao-nono'i mangalauk fo sila ina-aman tao-no'ik-ka. Bole hukunisa ka'da hataholi see fo hu kande ndia mesak-kana tatao-nono'i mangalaun-na.”

2TAWARIKH 27:2

Yotam nandaa no Manetualain dalen-na, sama leo aman Uzia. Ka'da ana ta hotu boomenik nai Manetualain uman sama leo hata fo aman tao-ka.

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

MAZMUR 106:6

Ami masala-masingo basa, sama leo ami bei-ba'i kaim-mala so; ami tao basa tatao-nono'i mangalauk, ma malelesi so.

MAZMUR 89:31

Tehu, metema tititi-nonosin, la'olena Au hoholo-lalaneng-nga, ma ta laso'da tunga Au paletang-nga fa,

MAZMUR 89:32

metema ala ta taoafik neu, Au nakeketung-nga, ma ala ta ho'u lahele, Au nakaneneteng-nga fa soona,

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

DANIAL 9:13

Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

IMAMAT 27:34

Paleta sila-la nde Manetualain fen neu Musa, neme Letek Sinai lain, soaneu leoina Israel-la.

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”