NEHEMIA 1:6 - Susula Malalaok Hehelu Palak Ma Hehelu Beuk

⁶ Mete au, ou Manetualain, ma mamanene au hule-haladoi lele'do le'odaen soaneu hataholi Israel, fo O atam sila-la. Au manaku ae ami, fo hataholi Israel-la, masala-masingo so; au ma au bei-ba'i kaing-ngala masala-masingo so boe.

NEHEMIA 1:6 Kruisverwysings

1RAJA-RAJA 8:47

ela leo been-na, O mamanene hule-haladoin-nala. Metema nai nusak ndia ala tukatei-saledale leme sala-singo nala mai, ma ala hule-haladoi neu O no manaku lae sila-lasala-lasingo so, ma tao tatao-nono'i mangalauk soona, mamanene sila hule-haladoin-nala, ou Manetualain.

2TAWARIKH 28:10

Ma besak ia emi sanga tao hataholi Yerusalem ma Yehuda-la da'di emi atam! Ade emi ta bubuluk mae emi boeo masala-masingo basa neu emi Manetualain so do ta?

2TAWARIKH 29:6

Ita bei-ba'i kain-nala ta lilineka neu ita Manetualain fa, de ala tao hata fo ta nandaa no dalen-na fa. Ala ta taoafik neu fan, ma ala ta lafaduli mamana leleo-na fa.

2TAWARIKH 6:40

Besak ia, au Manetualaing, taoafik neu ami ma mamanene huhule-haladoik fo nanananduku-nalosak neu O neme mamanak ia mai.

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

EZRA 10:11

Hu ndia de, manaku emi sala-singom neu Manetualain fo ita bei-ba'i kain-nala sene-do'ok-ka, ma tao hata fo, nanda no Manetualain dalen-na. Madook emi aoinam-ma, neme hataholi nusa dea, fo manaleo nai ita nusan-na, ma usiheni basa saoinak maneme nusa dea sila.”

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

MAZMUR 102:17

metema Manetualain nafofo'a falik Sion, fo ana to'da mai, nai matua-mademan-na dalek.

MAZMUR 106:6

Ami masala-masingo basa, sama leo ami bei-ba'i kaim-mala so; ami tao basa tatao-nono'i mangalauk, ma malelesi so.

MAZMUR 130:2

Manetualain, mamanene au hala naloloong-nga, ma taoafik neu au dokodoeng-nga.

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 55:17

Tehu au aloo bou-bou neu Manetualain, neukose Manetualain soi-tefa-na au.

MAZMUR 88:1

Nakameek. Tei dalek Korah Kokoa-kikion. Soaneu mauli-malanga nakameek-ka. Tunga nakameek: Mahalat Leanot. Heman fo hataholi Ezrahi, nakamee nanolin-nafa'da.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

RATAPAN 5:7

Ami bei-ba'i kaim-mala lasala-lasingo, besak ia, taak-kasa so; tehu ami muse doi-doso, nanahu sila sala-singon-nala.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

DANIAL 9:8

Ami manem-mala, mauli-malangam-mala, ma ami bei-ba'i kaim-mala, ala tao-no'i dede'ak fo neni mamaek, de lasala-lasingo basa neu O so, ou Manetualain.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

LUKAS 2:37

ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

1 TIMOTIUS 5:5

Inafalu fo te'e-te'e naso'da mesa-mesa kana, ma ta hapu hataholi mete-nakanae so'da na te namahena neu ka'da Manetualain soona, muse ana hule-haladoi lele'do-le'odaen fo noke tutulu-fafalik neme Manetualain mai.

2 TIMOTIUS 1:3

Au oke makasi neu Manetualain fo, au alalau-aoonon no dale katema tuak, sama na leo makahulu na, au bei ba'i kai ngala tao-no'i ka. Au oke makasi tataas esa neu Manetualain, nai lelek fo au afandele o nai huhule-haladoi ka dalek, leomae lele'dok do le'odaek ndia boe.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.