NEHEMIA 1:3 - Susula Malalaok Hehelu Palak Ma Hehelu Beuk

³ Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 1:3 Kruisverwysings

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2RAJA-RAJA 25:10

Boema, basa solda'dun-nala tao lakalulutuk kota ndia papala nanadaman-nala.

2TAWARIKH 36:19

Ana tao nakalulutuk kota Yerusalem-ma papala nanadaman-na, de ana hotu heni kota ndia, de Manetualain uman-na ma basa uma manek-kala sama-sama loo bua-lo'a kabelik fo bei manai uma manek sila-la dalek-ka, nanalekek nai dalek boe.

EZRA 2:1

Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

EZRA 5:8

Ela leo been-na, Ama Manek bubuluk, mae ami meu leo propensi Yehuda meu so, de ami mita Manetualain Fo Matuaina Uman-na, lafofo'a falik-kana, nenik batu matuaina mesa-mesan, ma lapadedeik tama seluk ai neu papala nanadaman-nala. Ala tao besa-besa loo bela-ba'uk ndia, de ta nakakai fa, ma lai-laik.

NEHEMIA 11:3

Nai kota fe'ek-kala, laun Israel-la, basa imam-mala, hataholi Lewi-la, basa manatao Manetualain Uman-na, ma Salomo malalau-maoonon tititi-nonosin-nala, ala leo lai sila dae pusakan-na ma sila kota mesan-nala.

NEHEMIA 2:13

Lelek ami la'oela kota tunga Lelesuina Bafak-ka nai muli te bei le'odaek. Ami la'ok masale leo kona meu, fo leo Lelesuina Kadafuk-ka meu, de ami tunga Oe Mata Naga. Nai leleo-lala'ok ndia dalek, au palisak nalutu-nalutuk manai kota papala nanadaman-nala, de au ita lelesuina fo ha'i na'a nalutuk-kala boe.

NEHEMIA 2:17

Tehu basa boema, au afa'das ae, “Mete ita so'dan fo manadoi-dosok ia leona! Yerusalem, ela ka'da ai batu madodoun-na, ma ha'i na'a heni basa lelesuinan-nala. Mai fo tafofo'a falik papala nanadamak Yerusalem-mala, fo ela ta lakamumulu-lakamamaek seluk ita fa.”

NEHEMIA 2:3

boema au ataa ae, “So'dak ba'eneu Ama Manek losa dodoon-na! Tao leo bee fo atam-ma dalen-na ta he'dis-sa fa, metema kota fo au bei-ba'i kaing-ngala mamana natoi-natonon-nala, besak ia ela ka'da ai batu madodouk-kala, ma ha'i na'a nakalulutuk basa lelesuinan-nala so.”

NEHEMIA 7:6

Hataholi nanafook sila-la, ba'uk-ka la'oela propensi Babel-la, de ala fali ma'is leo Yerusalem ma Yehuda mai, de esa-esak fali ne'un leo kotan-na neu. Ala leo dook-ka lanseli neme mamana okak manai Babel-la, mulai neme Mane Nebukadnezar-ra foo nenis leo naa neu da'dileo hataholi nanafook.

ESTER 1:1

Nai Susan, fo Persia kotan-na polon-na, Ahasyweros paleta da'di manek. Nusan-na nanaba'ek neu propensi 127, fo mulai neme India losa Sudan.

MAZMUR 79:4

Ami da'di buas fo, nanahakinonolik neme leoina titia-tataik-kala mai, ala hika ma lakadadaek ami.

AMSAL 25:28

Hataholi fo, ta nakatatakak nala aoinan-na fa sama leo kota fo, ndefa heni kota musun-na so.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

YEREMIA 39:8

Ndi te hataholi Babel-lala hotuheni manek-ka uma manen, ma laun-nala uman, ma ala tao latu'u Yerusalem papala nanadaman-nala.

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.

YEREMIA 52:14

Boema basa ana manatungan-nala tao lakalulutuk papala-nanadaman-nala.

RATAPAN 1:7

Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

RATAPAN 3:61

O, Manetualain, mamanene au nananakadadaek; O bubuluk la'iesak sila dale tutu'un-na.

RATAPAN 5:1

Ou Manetualain, mafandendelek hata fo ana da'di neu ami. Makanae ami, ma mete ami matasi'da-matasaem-ma.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.