NEHEMIA 1:11 - Susula Malalaok Hehelu Palak Ma Hehelu Beuk

¹¹ Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

NEHEMIA 1:11 Kruisverwysings

KEJADIAN 24:42

Ma lelek, na'kasa au losa oedolu-a, au hule-haladoi nai au daleng dale ae, ‘Manetualain, fo au tuang Abraham Manetualain-na, ela leo been-na Ana fe au bela-ba'ung, neni buna-boak.

KEJADIAN 32:11

Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe.

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

KEJADIAN 40:1

Basa faik de'ubee boema, mane Masir-ra malalau-maoonon dua, fo nde manaito-ato nininuk-ka ma manaito-ato loti na, ala tao salak soaneu manek-ka.

KEJADIAN 40:2

Boema manek-ka namanasa malalau-maoonon ka duak sila-la,

KEJADIAN 40:21

Manaito-ato nininuk-ka nanafe falik leo ue-le'di makasososan-na neu.

KEJADIAN 40:23

Tehu manaito-ato nininuk ndia ta nafendele Yusuf so'on, Ana nafandele henin makandondook.

KEJADIAN 41:9

Basa boema manaito-ato nininuk-ka nafa'da manek-ka nae, “Faik ia, ata ma muse manaku ata ma sala na.

KEJADIAN 43:14

Sa'di leo been-na Manetualain Fo Manakoasa tao na filana ndia dalen-na tu'da neu emi, nalosa anan nau fe falik Benyamin ma Simeon leo emi neu. La'eneu au ia soona, metema memak au muse amopo au anang-ngala boeo, ta da'di hata-hata fa.”

2TAWARIKH 6:40

Besak ia, au Manetualaing, taoafik neu ami ma mamanene huhule-haladoik fo nanananduku-nalosak neu O neme mamanak ia mai.

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

EZRA 7:6

Ezra hataholi malelaina esa, de ana bubuluk ba'uk-ka, la'eneu Hoholo-lalanek, fo Israel Manetualain-na, fen neu Musa. Hu kande Ezra Manetualain-na ba'e-palan, de Ana fen basa hata fo ana noken. Mane Artahsasta paleta neu teu ka hitun-na, boema Ezra neme Babel leo Yerusalem neu, sama-sama no hataholi Israel bubuak esa, fo nde imam de'ubee, hataholi Lewi-la, manamakameek-kala, boema manamanea nai Manetualain Uman-na, lelesuinan-na, ma basa manatao bela-ba'uk-kala.

NEHEMIA 1:6

Mete au, ou Manetualain, ma mamanene au hule-haladoi lele'do le'odaen soaneu hataholi Israel, fo O atam sila-la. Au manaku ae ami, fo hataholi Israel-la, masala-masingo so; au ma au bei-ba'i kaing-ngala masala-masingo so boe.

NEHEMIA 2:1

Nai faik esa, fo bulak haa makabuin-na, fo nde nai hataholi Yahudi-la bula Nisan-na, lelek Mane Artahsasta na'a-ninu, boema au sadia fen nininuk no mata-pana makamamasuk. Beita la'iesa fo nita au mata-panang nono'kabai makamamasuk-ka nai matan-na sama leo nai faik ndia fa.

NEHEMIA 2:8

Fe'ek neme ndia mai, au boeo oke susulak soaneu Azaf, fo nusak-ka manamanea nulan-na, fo ela ana sadia ai soaneu kota musu lelesuinan-na, deka no Manetualain Uman-na, ma soaneu kota papala nanadaman-na, boema uma fo neukose au leo nai dalek-ka. Manek-ka tao natetu basa au nonokeng sila-la, nanahu Manetualain tulu-fali au.

MAZMUR 106:46

Ana fe basa hataholi fo, manafoo nenis-sala, sue-lais.

MAZMUR 130:2

Manetualain, mamanene au hala naloloong-nga, ma taoafik neu au dokodoeng-nga.

MAZMUR 61:5

Nemen-na fo nai au fai maso'dang-nga dalek, au leo nai O lalaa temam-ma, fo ela nee-nee lino-linok nai O li'da kapam dale.

MAZMUR 86:6

Ou Manetualain, taoafik neu au huhule-haladoing, ma mamanene au hala dokodoeng fo, au oke tutulu-fafalik.

AMSAL 1:29

Emi sama leo hataholi fo, ta la'i esa boen, fo ana nau hapu malelak, ma ana ta nau tunga Manetualain fa.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

YEREMIA 42:12

Nanahu Au sue-lai neu emi, de neukose Au ataa manek Babel-la sue-tene emi de ana po'i emi me'um-ma. Au, Manetualain de manakokolak-ka.’ ”

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

IBRANI 13:18

Hule-haladoi makandoo soaneu ami. Ami mamahele, ami dale bobongoana ma neuisik, nana nai basa dede'ak lala'ena dalek, ami nau tao-no'i hata ndo sa tataas esa.