MIKHA 1:3 - Susula Malalaok Hehelu Palak Ma Hehelu Beuk

³ Ana kona neme mamana leleo malalao-malalafun mai de Ana la'ok nai lete-letek manai daebafak-ka poin-na.

MIKHA 1:3 Kruisverwysings

AYUB 40:12

Hei, mete hataholi manakoao-ndaeaok-ka, fo ne'e maloe langan-na! Tutu makasosopuk, hataholi mangalauk-ka, neme mamanan-na.

MAZMUR 115:3

Ita Manetualain-na, nai nusa so'dak-ka, Ana tao hata fo, nahiik-kana.

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

HABAKUK 3:19

O fe au be'i-balakaik, O tao matea-mahele au eing-nga, sama leo nusa ein-na. Lelek au la'ok nai letelepak lain, O hela-nole au, fo ela au daleng-nga tesa-tama.

ZAKHARIA 14:4

Nai faik ndia, neukose napadeik nai Lete Sion-na, nai Yerusalem boboan dulu. Boema neukose, heaba'e Lete Setun-na hu kande bafa maloaina, mulai neme dulu losa muli. Neukose, letek ndia seli nakababale leo kii neu, ma seli leo kona neu.

ULANGAN 32:13

Ana fes koasa letek-kala; ala la'a tina-la buna-boan ma linu fanioe neme pupuku batu mai. Ala hapu mina neme ai setun fo ala moli nai dae mabatuk-kala.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”