LUKAS 2:9 - Susula Malalaok Hehelu Palak Ma Hehelu Beuk

⁹ No kaiboik Manetualain ata nusa so'da nala, latu'du ao nala neus, ma masa'a ka nangale'do neme Manetualain mai de nangale'do nalas, boema ala bii lanseli.

LUKAS 2:9 Kruisverwysings

1RAJA-RAJA 8:11

Ko'as ndia nandela-nansa'a neme Manetualain matua-mademan mamai na, nalosa basa imam sila-la ta hapu leo dalek leu seluk soaneu lakalala'ok sila bela-ba'un.

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

KELUARAN 16:7

Balahaa fafaik soona, neukose emi mita Manetualain mandela-masa'an. Manetualain namanene emi makamuu-muun; nana ami ia, ka'da tao hata fo Ana paletan.

YESAYA 35:2

Moo solokaek-ka, nakapela de bunan-na lakaseti, ma nakamee lelengoaon nenik nakamee namahoko-seteleek. Lole-napun, sama leo letek Libanon-na, be'i-balakain sama leo Bafak Karmel ma Saron. Boema basa hataholi-la neukose lita Manetualain koasan-na, ma ita Manetualain-na, matua-mademan.

YESAYA 40:5

Boema Manetualain matua-mademan, neukose nananatu'duk; basa hataholi daebafak lala'en-na, neukose lita matan. Tete'ek-ka, Manetualain mesak-kana, helu basan so!”

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

YESKIAL 3:23

Boema, au u leo bafak dale u, de nai ndia, au ita mangale'dok-ka, nandela-nasa'a, fo natu'du Manetualain mamain-na, sama leo au ita basan neme Lee Kebar-ra su'un-na. Boema, au tu'u atotonokala neu dae lain,

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

LUKAS 1:28

Ata nusa so'dak ndia neu leo Maria neu, de nafa'dan nae, “So'da-molek neu o fo te'e-te'e Manetualain ba'e-pala o! Manetualain sama-sama no o!”

LUKAS 2:8

Nai le'odaek ndia, hapu manafoo la bei lanea bi'ilopo nala nai mook esa nai nusak ndia.

LUKAS 24:4

Ala bei lapadeik ma lapangamak dudu'a-dodoo dede'ak ndia, te kaiboboianak hataholi dua, bua-lo'a papake nala fula mangadilak, lapadeik deka los.

YOHANIS 12:41

Yesaya nafa'da nae leondia nana, nita basa Yesus matua-mademan so. Hu ndia de ana kokola kana.

HATAHOLI 12:7

No kaiboik, Lamatua ka ata nusa so'dan esa napadeik nai kama ndia dalek, de masa'ak esa nangale'o nai kama ndia dalek. Ata nusa so'dak ndia kakakuk Petrus losa ana fo'a. Boema ata nusa so'dak ndia nafa'dan nae, “Wei, fo'a lai leona!” No hatematak ndia boe, namosina nanapa'ak nai Petrus lima na, tu'dahenin.

HATAHOLI 27:23

Nana Manetualain fo au sene-do'o ka, fo nde Manetualain mana manuu au a, le'odae ka nadenu atan esa mai,

HATAHOLI 5:19

Tehu le'odae boema, Lamatua ka ata nusa so'dan esa ana soiheni uma bui a lelesu na de no Lamatua ka hataholi nadedenun sila la leo deak leu. Ata nusa so'dak ndia, nafa'da Lamatua ka hataholi nadedenun sila la nae,

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

IBRANI 12:21

Hata fo hataholi Israe lala litak ndia mangalau nanseli, losa Musa nae, “Au bii-amata'u ma au dele ngge'be-ngge'be!”

NINITAK 18:1

Basa ndia boema, au ita ata nusa so'da fe'ek esa kona neme nusa so'da ka mai. Ata nusa so'dak ndia koasa na ba'u na seli, de nalosa ndela-sa'an tao na basa daebafa ka lala'ena da'di mangale'dok.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.