LUKAS 2:7 - Susula Malalaok Hehelu Palak Ma Hehelu Beuk

⁷ Ana bongi na ni'iana touanak esa, fo ana ulu na. Ala popoti ni'iana ndia ninik temak, boema langapepe'u kana neu hako esa ha'deaik nai dalek, nana ta hapu mamanak ba'eneu sila, nai kama manai lai na fa.

LUKAS 2:7 Kruisverwysings

KEJADIAN 42:27

Nai mamanak fo ala sungu-a, esa se'i ndia kalong gandum-ma, fo ana hani keledein-na. Ana nita doin-na nai gandum ndia poin-na.

KEJADIAN 43:21

Lelek ami fali de ami losa mamanak fo ami sanga sungu nai eno tala'dak boema, ami se'i ami lafa lapik mala. Tehu ami mita doik fo ami bae gandum mala nai gandum mala poin-na. Ami ta bubuluk see kande tao doik sila-la fa. Besak ia ami meni fali kasa leo Tuan mai. Ami meni doi fe'ek boe fo asa seluk nana'ak.”

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

KELUARAN 4:24

Nai leleo-lala'on-na dalek, fo nai mamana oofuk esa, Manetualain mai leo Musa mai, fo Ana sanga taonisan.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

MATEOS 1:25

Nai lelek fo ni'iana ndia beita bongi fa nana, Yusuf no Maria beita lakabubua fa, tehu Maria bongi na ni'iana ndia boema, Yusuf foin na'de Yesus.

MATEOS 13:55

Ade tuka ai a, ana na ta nde ndia fa hetu? Ade inan nde Maria ndia, boema tolanoo nala nde, Yakobis, Yusuf, Simon, ma Yudas hetu?

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

LUKAS 10:34

Boema neu deka no hataholi ndia, boema ana safe balisi hina nala ninik angol, ma namo'don ninik mina, basa boema ana popoti-papalu hinak sila la. Basa ndia boema ana fua hataholi ndia neu keledein lain, boema non leo losmen esa neu fo puli lamo'don.

LUKAS 2:6

Nai lelek lai Betlehem boema, Maria fai na losa fo ana bongi.

LUKAS 2:8

Nai le'odaek ndia, hapu manafoo la bei lanea bi'ilopo nala nai mook esa nai nusak ndia.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.