LUKAS 2:4 - Susula Malalaok Hehelu Palak Ma Hehelu Beuk

⁴ Hu ka nde Yusuf ia Dauk tititi-nonosin de ana muse la'o neme Nazaret fo nai Galilea leo Betlehem nai Yudea neu, fo mamanak bongi Mane Dauk-ka.

LUKAS 2:4 Kruisverwysings

KEJADIAN 35:19

Mate Rahel boema, latoin nai enok manaleo Efrata neu a, su'un-na, fo besak ia na'de Betlehem.

KEJADIAN 48:7

Au tao dede'ak ndia soaneu Rahel fo o inam. Nai au leleo-lala'ong fo fali eme Mesopotamia mai a, o inam maten nai dae Kanaan-na, fo ta dook-ka neme Efrata mai fa, de au daleng-nga he'di nanseli. Au atoin nai naa, fo nai enok leo Efrata neu, su'un na.” (Besak ia lalelak Efrata nde Betlehem.)

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

MATEOS 2:23

Ana leo neme kota esa nai ndia na'de Nazaret. No enok ndia, hata fo nabi la lafa'dan la'eneu ni'iana ndia, ana da'di: “Neukose loken soona lae, Hataholi Nazaret.”

LUKAS 2:3

Basa hataholi manai lelek ndia, leu fo sulak na'de nala nai esa-esak kotan.

LUKAS 2:5

Yusuf sulak na'de na sama-sama no Maria tonanga na, fo bei kailus.

LUKAS 4:16

Yesus neu seluk leo Nazaret neu boe, fo nai mamanak fo namatua neme ndia. Nai fai Saba ta tunga biasa na, neu leo uma mamasok neu. Ana fo'a napadeik fo Ana lees Susula Malalao ka

YOHANIS 1:46

Tehu Natanael nataa nae, “Neme bee mai a, hata malole esa, ana bole da'di neme Nazaret mai?” Boema Felipus naen nae, “Mai teu fo mita matam.”

YOHANIS 7:42

Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”

RUT SUSULAN-NA 1:19

Boema ala la'ok lakandoo, de ala losa Betlehem. Nai lelek ala losa naa, tutik-ka basa hataholi manai kota ndia lala'en-na, ala nggenge-la. Basa inak manai naa-la, lafa'da lae, “Tete'ek-ka, Naomi nde ndia do?”

RUT SUSULAN-NA 2:4

Dodoo boema, Boas neme Betlehem mai, de nate'a manaketu-kolu-la nae, “Sa'di leo been-na, Manetualain no emi.” Boema, manaketu-kolu-la lataa lae, “Sa'di leo been-na, Manetualain ba'e-pala Ama.”

RUT SUSULAN-NA 4:11

Boema lasi nggolok-kala ma hataholi manai sila-la lae, “Hei, ami sakasii. Sa'di leo been-na, Manetualain tao o saoinam ndia da'di sama leo Rahel ma Lea fo manabongi fe Yakob anak makadotok-ka. Sa'di leo been-na, o mamasu'i nai leo Efrata hataholin-nala tala'da, ma sa'di leo been-na, o nananita-nalelak nai Betlehem.

RUT SUSULAN-NA 4:17

Inak manai uma titia-tatain-nala, foi ni'iana ndia na'de Obed. Lafa'da su'di see lae, “Naomi hapu ni'iana touanak esa so!” Obed ia nde makabuin-na, ana da'di Isai aman; fo Isai ia nde been-na Dauk aman.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 16:4

Semuel taon sama leo Manetualain nafa'dak-ka. Lelek ana losa Betlehem boema, basa mauli-malangan kota, sipok-kana no nggenggengek ma latane lae, “Ade, Ama mamain ia, neni so'da-molek do?”

SEMUEL SUSULAK-KA ESAN-NA 17:12

Dauk nde been-na Isai anan, fo hataholi Efrata, neme Betlehem nai Yehuda mai. Isai anatoun falu, ma nai tepo-lelek Saul paleta, Isai namalasi nanseli so.

SEMUEL SUSULAK-KA ESAN-NA 17:58

Boema, Saul natanen nae, “Hai, touana muli-soluk-konei! See anan o?” Dauk nataa nae, “Atam ia, Isai neme Betlehem mai, anan au.”

SEMUEL SUSULAK-KA ESAN-NA 20:6

Metema, o amam natane nae, tao le'e de, au ta nai ia fa soona, mafa'dan mae au oke basa neme o mai so, fo o fe au loak fali lai-lai leo Betlehem u, nanahu ala tao feta tutunu-hohotu tunga teuk-ka nai naa, ba'eneu au teidaleng-ngala lala'en-na.