ESTER 1:3 - Susula Malalaok Hehelu Palak Ma Hehelu Beuk

³ Ana paleta neu teu ka telun-na boema, Mane Ahasyweros-sa tao feta matuaina soaneu basa hataholi matua-mademan-nala, ma hataholi mana'a ngga'din-nala. Basa malanga musu Persia ma Media-la, lai feta ndia boe, leondiak boe, basa gobelnol-la, ma basa manapaleta matua-madema propensi-la, lai ndia boe.

ESTER 1:3 Kruisverwysings

KEJADIAN 40:20

Faik telu manamaik-ka nde been-na faik fo manek-ka fai bobongin-na, de ana tao feta matua ba'eneu hataholi mana'a ngga'din-nala. Ana paleta fo ela kalua manaito-ato nininuk-ka ma manaito-ato loti a neme bui dale mai, fo loos leo basa uma manek-ka hataholi mana'a ngga'din-nala matan neu.

1RAJA-RAJA 3:15

Salomo fo'a boema, name'da nae Manetualain kokolak non nai me'is dale so. Boema ana fali leo Yerusalem neu, boema napadeik neu Manetualain Peti Hehelu-balataan matan-na de ana fe tutunu-hohotu nanatunuk ma tutunu-hohotu mole-dame Basa boema ana tao fe basa hataholi mana'a ngga'din-nala feta.

EZRA 1:2

“Kores, fo mane Persia, paletan-na nde ia. Amak, Manetualain fo manakoasa nai nusa so'dak-ka, nakadada'dik basa au da'di manek neu basa daebafak-ka lala'en-na, ma Ana paleta au, fo afofo'a fen uma nai Yerusalem, fo nai nusa Yehuda.

ESTER 1:14

Manek-ka nasi'a naloo basa hataholi fo nanoli-nafa'da nalelak-kala, nde: Karsena, Setar, Admata, Tarsis, Meres, Marsena, ma Memukan. Hataholi sila-la nde been-na, nde manapaleta Persia ma Media, fo hataholi sila-la, lanuu nangatutuu madema nai nusak-ka.

ESTER 1:4

Bulak 6 dalen-na, manek-ka natu'du su'i-beten manai uma manen-na, ma nusan-na lole-napun boema matua-mademan.

ESTER 2:18

Basa ndia boema, manek-ka tao feta matua, fo da'di neu fe ha'da-holomata neu Ester, de ana ka'i basa hataholi mana'a ngga'di-la, boema hataholi matua-madema-la. Ana po'a-benga fai hahaek nai basa nusak-ka, ma ana baba'e bua palsen makadotok nanseli.

ESTER 3:7

Neu teu ka 12-na, fo Mane Ahasyweros-sa paleta, nai hataholi Yahudi-la bula ka esan-na, fo nde bula Nisan-na, boema Haman nadenu tu'u batu fo loken lae “purim” soaneu ala bubuluk, fai ma bula beek-ka nde nandaa, soaneu ana tao natetu ndia dale tutu'u mangalaun ndia. Boema naketun la'e hataholi Yahudi-la bula ka 12-na, fo nde bula Adar-ra fain 13.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YEREMIA 51:11

Manetualain nakaduduk Manek Media, hu ka nde ndia sanga tao nakalulutuk Babel. Enon-na leondiak fo ana hapu balas falik hataholi fo manatao nakalulutuk Uman-na. Basa malanga soloda'du sila la paleta, “Fofola matane kokou isik-kala! Ho'i-ma babaafanak-kala!

DANIAL 5:1

Faik esa boema, Mane Belsyazar-ra ka'i hataholi matua-mademan lifun esa, fo ala mai leo ndia feta neulaun-na mai, fo linu angol.

DANIAL 5:28

nanaba'ek, Ama Manek nusan-na nanaba'ek, de nanafek leo hataholi Media ma Persia neu.”

DANIAL 6:1

Ala taolisa basa Belsyazar boema, Darius hataholi Media ndia nangatuu-na Belsyazar kandela manen-na. Ndia te Darius teun 62.

DANIAL 8:20

O mita bi'ilopo mane fo nanuu susulak 2 ndia, nakasasaman-na nde nusa Media ma nusa Persia.

MARKUS 6:21

Mate'e na boema Herodias hapu loak nai lelek fo Herodes tao fai bobongi na. Lelek ndia, Herodes tao feta fe nusak a mana paleta matua-madema nala, malanga solda'du matuaina la, ma basa lasi nggolok manai nusa Galilea.