Mitsengo 1:3 - Tshwa Bible

³ kusukela ka va 20 wa malembe kuya mahlweni mu hlaya vavanuna vontlhe lava va zi kotako ku hloma matlhari ka vanana va ka Israeli; wena na Aroni mu ta va hlaya hi mabutho yabye,

Mitsengo 1:3 Kruisverwysings

2 Samueli 24:9

Zonake Joabe i lo hendleleta a tsengo wa vanhu ka hosi; a va ka Israeli va wa hi 800,000 wa vavanuna lava va zi kotako ku hloma matlhari, a va ka Juda va wa hi 500,000 wa vavanuna.

1 Kronekele 5:18

A vana va Rubeni ni va ka Gadi, ni khihlanya ga nyangwa ya ka Manasa, a vavanuna va tinhenha, lava va zi kotako ku khoma a zitlhangu ni matlhari, ni ku fula hi mawura, a vanhu va tlharihileko kulweni, va wa hi 44,760 wabye lava va nga wa zi kota kuya yimpini.

2 Kronekele 25:5

Ni kambe Amazia i lo tsombanyisa va ka Juda, a xaxameta hi tiyindlu ta vararu vabye a tinduna ta matala, ni tinduna ta mazana lomu tikweni gontlhe ga ka Juda ni ga ka Benjamini, a hlaya vontlhe kusukela ka tava va nga ni 20 wa malembe kuya mahlweni, a kuma 300,000 wa vavanuna va milangelwa, va zi kotako ku hloma yimpi, va khoma matlhari ni zitlhangu.

Eksodusi 12:17

Mu ta hlayisa a mubuzo wa zibaba zi nga hava comelo, hakuva ka siku lego nzi lo humesa mabandla ya nwina tikweni ga Gipite; mu ta hlayisa siku lego zizukulwaneni za nwina, ku tava xiyimiso xa kala kupinzuka.

Eksodusi 30:14

A munwe ni munwani wa lava va hlayiwako, ku sangula hi ka va 20 wa malembe, kuya mahlweni, va ta humesa a munyikelo lowu ka Jehova.

Eksodusi 38:26

A munhu munwe ni munwani i lo humesa a khihlanya ga xekeli, hi lipimo la xekeli ga wutshamu go basa. Vontlhe lava va hlayilweko va lo humesa kota lezo, kusukela ka lava va ntanga ya 20 wa malembe ni kuya mahlweni. Va wa hi 603,550 wa vavanuna.

Mitsengo 14:29

A zirumbi za nwina zi tawa lomu xiwuleni. Nwina nwentlhe lava mu hlayilweko, kusukela ka lava va 20 wa malembe ni kuya mahlweni, lava mu nzi monyileko, Mitse. 32:11; Maheb. 3:17

Mitsengo 26:2

Hlayani wontihe tlhangano wa vanana va ka Israeli, kusukela ka lava va nga ni 20 wa malembe ni ku hunza, mu va hlaya hi tinyangwa tabye, mu hlaya vontlhe vavanuna va ka Israeli lava va zi kotako ku hloma matlhari.

Mitsengo 3:15

Hlaya a vanana va vaLevi hi mingango ya vararu vabye, ni tinyangwa tabye; u ta hlaya vavanuna vontlhe, kusukela ka loyi wa hweti yinwe kala ka lava va nga le mahlweni.

Mitsengo 32:11

Vontlhe a vanhu lava va humileko le Gipite, kusukela ka lava va nga ni 20 wa malembe ni ku hunza, cima va nga ta wona a tiko legi nzi hlambanyileko ka Abrahama, ni ka Isaka, ni ka Jakobe, hakuva a va nzi lanzelangi hi zinene;

Mitsengo 33:1

Laya hi magovela ya vanana va ka Israeli lava va humileko hi le tikweni ga Gipite, hi mitlhawa yabye, na va rangelwa hi Mosi na Aroni.

Mitsengo 4:3

lava va nga ni 30 wa malembe ni kuya mahlweni, kala ka lava va nga 50 wa malembe, vontlhe va faneleko ku enghena ntirweni wa tenda ga mutlhangano. Mitse. 8:24

Deuteronome 24:5

Loku munhu a ha ku teka sati, a nga hlomi matlhari aya yimpini, ni kambe ku nga vekiwi ni wihi ntiro hehla ka yena. Yena i ta tlhatlheka a lembe ginwe hi kota ya ngango wakwe, i ta tshama kaya a tangalisa a sati wakwe loyi a mu tekileko.

Deuteronome 3:18

Ka xona xikhati lexo mina nzi mu leletele, nziku: Jehova Nungungulu wa nwina i lo mu nyika a tiko legi a kuva ga nwina. Nwina nwentlhe vavanuna va tinhenha mu ta famba na mu hlomile mahlweni ka vamakabye va nwina, a vanana va ka Israeli.