Danieli 1:7 - Tshwa Bible

⁷ Kanilezi a nduna ya mithenwa yi lo va chula mavito manwani: Danieli ava Beltexazzari, Hanania ava Xadrake, Mixaeli ava Mexake, na Azaria ava Abed-nego.

Danieli 1:7 Kruisverwysings

Genesisi 41:45

Faro i lo chula vito ga Josefa aku hi Zefaneti-panea; i lo mu nyika Asenate, nʼwana Potifera a mupristi wa le Oni, a kuva sati wakwe. Zonake Josefa i lo teka a pfhumba go kambela a tiko ga Gipite.

2 Tihosi 23:34

Faro-Neko i lo yimisa Eliakimu nʼwana Josia a kuva hesi xikhundleni xa raru wakwe Josia, a hunzula a vito gakwe aku hi Jehoiakimu; kanilezi Jehoahaza i lo mu teka a mu yisa le Gipite, a si ya fela leyo.

2 Tihosi 24:17

A hosi ya le Babuloni yi lo yimisa Mattania, a nakulobye wa raru wa Jehoiakina, a kuva hosi xikhundleni xa Jehoiakina; i lo hunzula a vito gakwe a mu chula ga Zedekia.

Danieli 1:19

A hosi yi lo wulawula zinwe navo; xikari kabye vontlhe i wa nga hi kona a nga ringana na Danieli na Hanania na Mixaeli na Azaria. Hikwalaho va lo nyikwa mitiro laha hosini.

Danieli 1:3

A hosi yi lo laya Axpenaze a nduna ya mithenwa ya yona, a mu ruma ku neha a manwani majaha ya yindlu ya wuhosi ya ka Israeli ni ya vahombe; 2 Tih. 20:18; Isa. 39:7

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 2:26

A hosi yiku ka Danieli, loyi a nga chulilwe a vito ga Beltexazzare: Wa zi kota a ku nzi hlawutela a noro lowu nzi nga lora, ni tlhamuselo wa kona ke?

Danieli 2:49

Danieli i lo kombela ka hosi lezaku a yimisa Xadrake, Mexake, na Abed-nego akuva varangeli va tiko ga Babuloni; kanilezi Danieli i lo sala lomu hubyeni ya hosi.

Danieli 4:5

Nzi lo lora a noro lowu wu nga nzi chavisa; a maalakanyo ya mina laha nzi nga hi sangweni ga mina, ni miwoniso leyi nzi yi wonileko, zi lo nzi dzukisa.

Danieli 4:8

Hi kugumesa ku lota mahlweni ka mina Danieli, a vitwako Beltexazzare, gi nga vito ga nungungulu wa mina, loyi a moya wa vanungungulu va basileko wu nga ka yena. Nzi lo hlawutela a noro, nziku:

Danieli 5:12

A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.