SAN MATEO 8:15 - Tepehua Pisaflores

¹⁵ Pus an Jesús ma'ch'apachalh, walh makawlhi an alhp'as iskakat, chi ostayacho'olhcha tsukulhcha jamaway.

SAN MATEO 8:15 Kruisverwysings

SAN MATEO 14:36

Ixtatapayniniycha li ma kajamakawnilhi masi wa yucha an ixpiktucha ixla'ch'it katapiktuch'apanichalh, yu an tach'apanichalh an ixla'ch'it ixchuxk'ani tatak'uch'ulh.

SAN MATEO 20:34

Pus wa chuncha an Jesús, jamapayniycha, pus jalaklakpuch'apalh, walh wa tukan tajalakawanalh chi tach'a'o'alhcha.

SAN MATEO 8:14

An Jesús la'cha'alhi la ixcha'a an Pedro, walh an ixput'icha'o'olh Pedro ixmalh la ixputamat, wa stakcha ixch'apata yu alhp'as iskakat.

SAN MATEO 8:16

Chi akxni tats'isilhcha lhuwi jalhicha'anikalh an Jesús yu wa ixtalakpach'apay makxkay'un chi yu wa ixtala'ta'an'ay, walh wanaj jak'uch'u'olhi la ixchiwinti.

SAN MATEO 8:3

An Jesús lats'awalalhi an ixmaka chi lakpach'apachalhcha, juniy: ―Chun, k'at'ala'a'oxit'icha. Wa akxni wak tala'a'oxilh.

SAN MATEO 9:20

Walh pumatam t'aku yu la'akawt'uycha k'ata ixta'an'ay, wa ixmaj'an ixjak'alhni, ch'a'o'ayawlh, la ix'a'lhch'a pupiktuch'apanichalh an ixla'ch'it.

SAN MATEO 9:29

Wa chuncha yucha jalaklakpuch'apalhcha, chi jajuniy: ―T'ach'a yu jak'iklak'a'ininatcha chunchacha kawalh.

SAN MARCOS 1:29

Akxni tataxtulhcha an laka tajtan, ta'alhcha ixcha'a an Simón chi Andrés, ali an Jacobo chi Juan.

SAN MARCOS 1:41

Pus mapayniycha an Jesús, lats'awalalhi an ixmaka chi lakpach'apachalhcha, juniy: ―Chun, k'at'ala'a'oxit'icha.

SAN LUCAS 8:54

Pero an Jesús ma'ch'apachalh, p'ascha juniy: ―¡Jatsi', k'a'ost'aycha!