SAN MATEO 8:10 - Tepehua Pisaflores

¹⁰ An Jesús, lhi'a'nilhcha akxni chunchacha alha'asmatlhi, chi jajuniy an yu ixtach'a'o'ata: ―Jantu xamati masi an xalakaat'un Israel akla'cha'alh xamati yu chuncha jakiklaka'inin.

SAN MATEO 8:10 Kruisverwysings

SAN MATEO 15:28

Pus akxni an Jesús juniy an t'aku: ―Uxint'i jak'iklak'a'inin sawalh, kajunacha yu lak'ask'in. Pus an istsi an t'aku wa akxni ta'oxicho'olhcha.

SAN MATEO 8:11

Pero chunchacha yu katapasaya', ta ixlijalhi'ay an lakamunulhpa kata'alina lapanakni tacha ani capitán yu katat'a'ana tawlhnin an Abraham chi an Isaac chi an Jacob, an la ixlich'alhkat Dios.

SAN MATEO 8:9

Ijk'atsay, mu iklhismanita akxni tu'u kintalhijuniy an yu palaycha xalaj'ajin. Chi kit'in akxni xamati soldado ijkuniy li ka'alh inta, an, chi li kamilh, min. Chi li tu'u iklhijuniy an kima'tsuku, ilhtuy. Xliyu iklhik'atsay li uxint'i layi ka'una'a an ta'an'at li kamakawlhcha an kima'tsuku'.

SAN MARCOS 6:6

Wachuncha sawalhcha lhi'a'niya an Jesús li jantu k'is tajakiklaka'inini yu'uncha. Ix'ancha masunu an lakt'ikt'i la'acha'anaxni.

SAN LUCAS 5:20

An Jesús mu jala'ts'incha li tajakiklaka'inin, pus juniy an yu ta'an'ay: ―Amigo, ikmala'mixini'oyani mintala'alhin.

SAN LUCAS 7:50

Pero an Jesús juniy an t'aku: ―Amijakiklaka'inti ma'alhtaxtuncha, k'ap'inch'o'ochicha. Jant'uch'a t'u'u k'alhak'ap'up'i.

SAN LUCAS 7:9

An Jesús lhi'a'nilhcha akxni chunchacha alha'asmatlhi, pus sa'cha jala'ts'ini an lapanakni yu an ixtat'a'anta, jajuniy: ―Klajunaw, masi an xalakaat'un Israel jantu tu'u kla'ts'in ay jakiklaka'inti ka'alilh tacha ani jakiklaka'inin ani lapanak.

LOS HECHOS 2:7

An lapanakni sawalhcha ixtalhi'a'niy chi jantucha lay ixtalhimacha'xay, ixtalajuniy: ―¿Chu jantu si jamacha'an Galileaja ani talakchiwiniy?