SAN MATEO 23:8 - Tepehua Pisaflores

⁸ ’Pero uxitnan jant'u k'alak'ask'int'iti li k'a'unk'ant'it maestrojnin, mu wa pumatami mi Maestrojk'an, Cristo, chi chux uxitnan lhit'ala'awnin.

SAN MATEO 23:8 Kruisverwysings

SAN MATEO 10:25

An jatalanini ka'achalhcha li tacha an ixmaestrojcha jalakpastaknan chi an ma'tapatsan li tacha an ixpatroncha tapatsay. Li tajuniy xapay makxkay'un an lapanak yu la'ts'ilhi'an tani lhiwilakalhcha la ixcha'a, ¿tasu jantu palaycha kajajunkana yu tawilanalh la ixcha'a'a?

SAN MATEO 17:5

Chunchaka ixnawt'ajun, walh jala'atanchanulhcha la'atam jataputs'i, wa xlimjnik'acha, chi an laka jataputs'i ixchiwinkancha, ixnawkan: ―Yucha aniya yu ikmapayniy kinTs'alh, oxi iklhiwilay, k'a'asmatnit'iti yucha.

SAN MATEO 23:10

Ch'i jant'u k'alak'ask'int'iti li k'a'unk'at maestrojnin, mu wa pumatami mi Maestrojk'an, Cristo.

SAN MATEO 23:7

Chi yu'uncha talakask'in li sawalhcha kajala'axa'alakalhi an laka laktij, talakask'in li kajajunikalh maestrojnin.

SAN MATEO 26:25

Wa chuncha an Judas Iscariote, an yu kama'axt'a'a, alhtaylh juniy: ―¿Maestro, chu sna kit'in? An Jesús juniy: ―Uxint'ich'a naw.

SAN MATEO 26:49

Pus an Judas la'cha'alhcha an Jesús la'axa'alalhcha, juniy: ―¡Xaycha, Maestro! Chi la'xtikilhtastuklhicha.

SAN MARCOS 10:51

An Jesús juniy: ―¿Tasu ak'ilhtunch'a na'uni? Pus an la'lhtuluw lapanak juniy: ―Maestro, ijkalakawanamputun.

SAN MARCOS 11:21

Wachuncha an Pedro past'ak'ach'a, juniy: ―Maestro, jo'o k'ala'ts'i, an xak'iw higo an yu la'a'aymat'i xixtacha.

SAN MARCOS 14:45

Pus akxni la'cha'alhcha, juniy: ―Maestro, maestro. Chi la'xtikilhtastuklhicha.

SAN MARCOS 9:5

Pus an Pedro juniy an Jesús: ―Maestro, oxi li ani ikt'awnaw, akla'oxiyaw a'at'utu de jach'itin cha'a', a'atam mi anucha, a'atam ix'anucha an Moisés chi a'atam ix'anucha an Elías.

SAN LUCAS 22:32

Pero uxint'i iklhitapayniyani para li jant'u k'ama'ats'an'at'i an mijakiklaka'inti. Chi akxni ak'ink'iklak'a'ich'o'oya'acha, k'aja'a't'ay'uya'a amijat'ala'awnin para li ixlisawalhi katajakiklaka'inilh.

SAN JUAN 1:38

An Jesús tala'asp'itlhi pus jala'ts'ilhi li ixtach'a'o'ata, chi jajuniy: ―¿T'isunch'a p'uxk'awyat'iti? Yu'uncha tajuniy: ―¿T'anisch'a wilht'i, Rabí? (Rabí nawputun, Maestro)

SAN JUAN 1:49

An Natanael, juniy an Jesús: ―¡Maestro, uxint'i isTs'alhk'at'i Dios! ¡Uxint'i ixRejk'an an xalapanakni Israel!

SAN JUAN 11:8

An ixt'alhtanan tajuniy: ―Maestro, jantuka' ma'ani an judiojnin ancha ixtalakat'alhmaputunacha'an, ¿ch'i a't'amch'a t'ip'imp'alay?

SAN JUAN 20:16

An Jesús juniy: ―¡María! Pus an María akxni la'ts'impalh juniy: ―¡Maestro!

SAN JUAN 3:2

Ani lapanak la'alhi an Jesús puts'ista, chi juniy: ―Maestro, ijk'atsayawi li Diosi mala'achatacha'an para li akilamiw masuninin, mu jantu xamati lay kati'ilhtulh t'ach'a an lak'ilht'uy tanlhun yu wa tichicha lapanak, li yu jantu Dios t'a'aklat'ajun.

SAN JUAN 3:26

Chi tala'alhi an Juan, tajuniy: ―Maestro, an yu ixt'ayan an ixtapiktutam ayxkan Jordán, an lapanak an yu jalhixa'alat'i, wachu jama'paxanan, chi yucha tala'an'ojoy.

SAN JUAN 4:31

An ixt'alhtanan an Jesús yu'uncha ixtalhitapayniniyanalh, ixtajuniy: ―Maestro, k'awaycha.

SAN JUAN 6:25

Akxni tacha'alhcha an ixtapiktutam lakxkan ancha tala'cha'alh, pus tajuniy: ―Maestro, ¿t'asu wananch'a ch'it'a ani?

SAN JUAN 9:2

An ixt'alhtanan tajuniy: ―Maestro, ¿tisiyuchacha ilhtulh ixtala'alhin li chunchacha la'awlhi, ixpaynin u yucha?

2 CORINTIOS 1:24

Chi li chuncha iknawnaw jantu wa xliyu li kitnancha klajunaw t'uch'ini yu k'ak'iklak'a'itcha, mu uxitnan oxich'a jak'iklak'a'ininat'it, kitnan wa kla'a'tayjuyawcha para li k'alaj'ach'ant'it.

2 CORINTIOS 4:5

Jantu wa kitnancha iklhichiwinkanaw para li akintala'ts'inkancha li sawalhcha iklhitapalaw, yucha an Jesucristojo iklhichiwininaw, mu kiJamach'alhkatk'an, kitnan ajnik'acha wa iklatapatsanit'awnaw, mu ikmapayniyawi an Jesús.

EFESIOS 3:15

yu pula'a'iyaw kinta'a'utk'an chux yu ixlapanak juntaw, an lakt'iyan chi ani lakaat'un.

FILEMÓN 1:16

chi k'ala'a'it'i tacha xamati yu sawalh map'ayniy, tacha mint'ala'ajun yu map'ayniy sawalh, jantucha tacha wa mimputapatsancha. Kit'in ikmapayniy sawalh, pero uxint'i p'alaych'a k'amap'aynit'i, mu lapanak chi wachucha kiklaka'ilhi an ixchiwinti Dios.

SANTIAGO 3:1

Kint'ala'awnin, jantu wanajcha milhuwk'ani k'a'unt'it yu k'ajamat'alaninint'it, mu k'ats'ayatcha li yu ijkamatalaninininaw palay akintamama'alh'ajnikanani li jantu oxi ikmasuyaw.

1 PEDRO 5:3

jant'u k'alat li minawink'ani an yu wa jamalhist'aknik'ant'at'it, uxitnanch'a k'ajat'ap'ulhnit'it an yu wa jamalhist'aknik'ant'at'it.

APOCALIPSIS 1:9

Kit'in Juan, mint'ala'ajunk'an, chi mint'alhtanak'an, mu an Jesús wachu ki'ilhtuyi li aklhitayanilhi an laka lhima'alh'ajna chi an laka lhich'alhkat. An tan wanaj la'atanchanu'ojota xkan lakaat'uni xakt'ajun, tan junkan Patmos, ixlakata an ixchiwinti Dios chi an tacha najun an Jesucristo.

APOCALIPSIS 19:10

Iktatso'ottanilhi la ixjach'aja an angelh para li ayi akla'ts'ilh. Yucha kijuniy: ―Jant'u ch'uni k'alat'i, kit'in wa ikt'atapatsaycha an Dios, tacha uxint'i chi tacha an mijat'ala'awnin yu ixlisawalh tataylhi'an an tacha najun an Jesús. Yucha an Diosi yu ay k'ala'ts'i. Mu tacha an najun an Jesús yu sawalh yucha yu jamachiwiniy an lapanakni yu tanajun an ixchiwinti Dios.

APOCALIPSIS 22:9

Pero yucha kijuniy: ―Jant'u ch'uni k'alat'i, mu kit'in wa ikt'atapatsaycha an Dios, tacha uxint'i chi tacha an mijat'ala'awnin an yu talhichiwiniy ixchiwinti Dios, chi tacha ixchuxk'an an yu takiklaka'iy tacha an ts'o'muk'akanta chiwinti ani laka libro. Yu ay k'ala'ts'i yucha an Dios.