SAN MARCOS 1:11 - Tepehua Pisaflores

¹¹ Xli'astan chiwinkancha an lakt'iyan nawkan: ―Uxint'i kinTs'alhk'at'i, ikmapayniyan. Uxint'i k'ima'an'ach'ay.

SAN MARCOS 1:11 Kruisverwysings

SAN MATEO 12:18

Yucha anicha yu iksakxtuta yu kint'atapatsay, oxi lhik'atsan kintak'atsan, ikmapayniy. Yucha akxta'niya kinTakuwin, chi yucha kajajuna an yu jantu tajakiklaka'inin tanyucha yu oxi chi yu jantu.

SAN MATEO 17:5

Chunchaka ixnawt'ajun, walh jala'atanchanulhcha la'atam jataputs'i, wa xlimjnik'acha, chi an laka jataputs'i ixchiwinkancha, ixnawkan: ―Yucha aniya yu ikmapayniy kinTs'alh, oxi iklhiwilay, k'a'asmatnit'iti yucha.

SAN MATEO 3:17

Chi an lakt'iyan chiwinkanchalhcha nawkan: ―Yucha anicha yu ikmapayniy kinTs'alh yucha yu kima'an'achay.

SAN MARCOS 1:10

Walh wa ixtakutt'ajunka an Jesús an lakxkan, la'ts'incha an lakt'iyan tati'alh, chi ta'alhtajulhcha wa tacha la'atam paloma, tan ixyalh, yucha an ixtakuwin Dios.

SAN MARCOS 9:7

Wa akxni ta'alhtajulh la'atam jataputs'i jala'atanchanulhcha, chi chiwinkalhcha an laka jataputs'i nawkan: ―Yucha aniya yu ikmapayniy kinTs'alh, yuch'a k'a'asmatnit'it.

SAN LUCAS 3:22

Chi ta'alhtajulhi an ixTakuwin an Dios, tan ixyalh an Jesús, wa tacha paloma, chi chiwinkanchalhi an lakt'iyan nawkan: ―Uxint'i kinTs'alhk'at'i ikmapayniyan, uxint'i k'ima'an'ach'ay.

SAN LUCAS 9:35

Wa chuncha an laka jataputs'i chiwinkalhcha, nawkan: ―Yucha aniya yu iksakxtuta kinTs'alh, yuch'a k'a'asmatnit'it.

SAN JUAN 1:34

Chi kit'in ikla'ts'ilhcha, pus iknajuncha li ani yucha isTs'alh an Dios.

SAN JUAN 3:16

’Mu an Dios sawalh jamapayniya an lapanakni yu tat'ajun an lakamunulhpa', yucha lhixta'lhi an isTs'alh masi wa ix'akstu, para li yu kiklaka'iy jantu kats'an'alh, kalhitsukulhi jatsukunti yu jantu a'tam min'ojoy.

SAN JUAN 5:37

An kimPay an yu kimakminta wachu kilhichiwiniya kit'in, masi uxitnan jant'u a't'am alha'asmatt'at'it ch'i jant'u a't'am la'ts'int'at'it.

SAN JUAN 6:69

Chi kitnan ijkiklaka'itawcha, chi ijk'atsayawcha li uxint'i Cristo, isTs'alh Dios yu la'ajunta.

ROMANOS 1:4

Chi akxni la'awcho'olhcha, chunchacha lhimasulh li yucha isTs'alh Dios, ixlakata an Stalan'a Takuwin.

COLOSENSES 1:13

An Dios kintamaxtuni an lakaaputs'isni chi kintama'anuncha an tan ch'alhkatnan an isTs'alh, yu mapayniy.