SAN LUCAS 8:44 - Tepehua Pisaflores

⁴⁴ Pus ch'a'o'ayawlh, la ix'a'lhch'a pupiktuch'apanichalh an ixla'ch'it, walh wa akxni sa' tayanilh an ixjak'alhni.

SAN LUCAS 8:44 Kruisverwysings

SAN MATEO 20:34

Pus wa chuncha an Jesús, jamapayniycha, pus jalaklakpuch'apalh, walh wa tukan tajalakawanalh chi tach'a'o'alhcha.

SAN MATEO 8:3

An Jesús lats'awalalhi an ixmaka chi lakpach'apachalhcha, juniy: ―Chun, k'at'ala'a'oxit'icha. Wa akxni wak tala'a'oxilh.

SAN MATEO 9:20

Walh pumatam t'aku yu la'akawt'uycha k'ata ixta'an'ay, wa ixmaj'an ixjak'alhni, ch'a'o'ayawlh, la ix'a'lhch'a pupiktuch'apanichalh an ixla'ch'it.

SAN MARCOS 6:56

Watanchuncha ixcha'an an Jesús, laj'ay la'acha'anaxni, chi lakt'ikt'i la'acha'anaxni, u masi tan wa jalhi'ay, an laka laktij ixtamamaycha an yu wa ixtata'an'ay chi ixtatapayniniycha li ma kajamakawnilhi masi wa katapikch'apanichalhcha an ixla'ch'it. Ixchuxk'an an yu ixtach'apaniyachalh an ixla'ch'it, ixtatak'uch'uycha.

SAN LUCAS 13:13

Chi lakpach'apachalhcha. Pus an t'aku wanaj wa akxni tats'awalalhcha, chi a'taynilhcha xta'niy lhimala'puchajun an Dios.

SAN LUCAS 7:38

An t'aku ix'alhuncha, chi tantawilhcha la ixjach'aja an Jesús, tsukulhcha lhich'ampaxayi an ix'alhut, ixli'astan ch'anxakalhcha la ix'ay chi lakch'ankilhtastuklhicha chi lakch'anmuk'alhcha an perjume.

SAN LUCAS 8:43

Pus pumatam t'aku yu ancha ixma'anta, la'akawt'uycha k'ata ixta'an'ay, wa ixmaj'an ixjak'alhni, chi ixmakamin'ojotacha ixtumin laka lakjak'uch'unu pero jantu layi ixtak'uch'uy.

SAN LUCAS 8:45

Pus an Jesús jajuniy: ―¿Tisiyuchacha ki'aych'apachalh? Pero jantu xamati tu'u alhtaylh. Pus an Pedro chi an yu ancha ixtat'ayanalh tajuniy: ―Maestro, sawalhcha tapa'asiyan chi tatisamaj'anan, mu wanajcha lhilhuw, ch'i lhasakminini tichini aych'apacha'ancha.

SAN JUAN 5:13

Pero an lapanak an yu k'uch'ukalh jantu ixk'atsayi tichini yuchacha an yu k'uch'ulh, mu an Jesús jantucha ani ixt'ajun an tan lhilhuw ixlakyakalh.

LOS HECHOS 19:12

Masi wa payojcha u wa la'ch'itcha li ixla'ala'cha'an an Pablo chi li ixjalhi'anikancha an ta'an'anin, ixtatak'uch'uycha, chi an lakmakxkay'un ixtamakajuncha an ta'an'anin.

LOS HECHOS 5:15

Chi an ta'an'anin ixjamamakancha an laka lajcalle la ixputamatk'an, para li akxni kala'pusacha an Pedro masi wa ixma'stele'cha kala'cha'alh xapumatam.