SAN LUCAS 5:24 - Tepehua Pisaflores

²⁴ K'ak'ats'at'iti li kit'in yu ikwalh isTs'alh Lapanak layi akmala'mixiya tala'alhin ani lakaat'un. La'alhi an yu lakalhtukulunta lapanak, juniy: ―Chaway uxint'i ijkunan, k'a'ost'aycha, k'asakt'icha amimputamat chi k'ap'inch'o'ochicha mincha'a'.

SAN LUCAS 5:24 Kruisverwysings

SAN MATEO 16:13

Akxni cha'alhcha xalakaat'un tanchun junkan Cesarea de Filipo an Jesús, jalhisakmiycha an ixt'alhtanan, jajuniy: ―¿Tasucha talaknajun an lapanakni li tichini yuchacha an isTs'alh Lapanaki?

SAN MATEO 25:31

’Akxni kaxlimjcha jat'amina an isTs'alh Lapanak an ix'angelhnin, yucha katawlacha an la ixputawlan yu ta lhichux kapumispa'okana li yucha ay.

SAN MATEO 26:64

Pus an Jesús alhtaylh juniy: ―Uxint'ich'a naw, chi atumpaj klajunaw chaway ati'anta k'ala'ts'ina'itcha an isTs'alh Lapanak katawlanta tan oxi la ixpa'xti an Dios tan ch'alhkatnan, ch'i k'ala'ts'ina'it'iti akxni kaminanta lakt'iyan laka jataputs'i.

SAN MATEO 28:18

Pus an Jesús stalh jala'alh, chi jajuniy: ―Chux lhich'alhkat an lakt'iyan chi an lakaat'un la kimaknicha kima'axta'nikalh.

SAN MATEO 4:24

Pus sawalhcha tapumispalh sta chux xalakaat'un Siria, lhuwcha ta'an'anini ixtalhicha'aniy, yu intacha ixtaxkaniy, yu ixlakpach'apata makxkay'un, yu wa ixniy chi yu wa ixtalaklakalhtukulun, pus ixjak'uchuycha.

SAN MATEO 9:6

Para li k'ak'ats'at'iti li an isTs'alh Lapanak layi kamala'mixiya tala'alhin ani lakaat'un (junilhcha an yu ixlakalhtukulunta): K'a'ost'aycha, k'asakt'icha amimputamat, k'ap'inch'o'ochicha mincha'a'.

SAN LUCAS 5:13

Pus lats'awalalhi ixmaka an Jesús, chi lakpach'apachalhcha, juniy: ―Chun, k'at'ala'a'oxit'icha. Wa akxni watukan tala'a'oxilhi an lapanak.

SAN LUCAS 5:18

Wa chuncha tichi yu'uncha lapanakni talhicha'alh la ixputamat pumatam lapanak, yu wa ixlaklhtukulunta. Ixtama'anuputunachalhi an laka cha'a', la ix'ukxlakapu an Jesús,

SAN LUCAS 5:23

¿Tampiyu yu palaycha wa las, aknawlh: “Ikmala'mixini'ojoncha mintala'alhin”, u aknawlh: “K'a'ost'aycha, k'ajalht'ancha”?

SAN LUCAS 7:14

Stalh la'alhi an yu ixpulhi'ankanta, chi ch'apachalh, pus an yu ixtalhi'anta sa'cha tat'atayalh. Chi juniycha an Jesús an yu ixli'ankanta: ―Ts'alh, ijkunan: ¡K'a'ost'aycha!

SAN LUCAS 8:54

Pero an Jesús ma'ch'apachalh, p'ascha juniy: ―¡Jatsi', k'a'ost'aycha!

SAN JUAN 11:43

Ixli'astan akxni chunchacha naw'olh, p'ascha chiwinilh, najun: ―¡Lázaro, k'at'axt'ucha!

SAN JUAN 17:2

Mu uxint'i xt'a'nit'a lhich'alhkat aminTs'alh la ix'ukxnik'an an lapanakni, para li kajaxta'nilhi jatsukunti yu jantu min'ojoy an yu jama'axt'a'nit'a.

SAN JUAN 3:13

’Jantu xamati anta an lakt'iyan, wa yucha an yu ancha minchalh, an yu kijunchilh isTs'alh Lapanak.

SAN JUAN 5:27

Chi atumpaj, xta'nipalhi lhich'alhkat li yucha kanawna tuchini ilhtulhcha atam, mu yucha isTs'alh Dios.

LOS HECHOS 14:10

Pus an Pablo p'ascha junilh: ―¡K'at'aycha ts'awjcha k'ap'ut'ay aminch'aja'! An lapanak t'ujcha tayalh chi tsukulhcha jalhtanan.

LOS HECHOS 5:31

An Dios ma'ostayanicho'olh chi tan oxicha ixpa'xti ulachalh, chi chaway yuchacha ilhtuta li akintatap'ulhnin chi akintama'alhtaxtun, para li an kint'a'israelitajnink'an katakiklaka'ilhi an Dios chi chuncha kajamala'mixinikana ixtala'alhink'an.

LOS HECHOS 9:34

An Pedro juniy: ―Eneas, an Jesucristo kak'uch'uyan, k'a'ost'aycha, ch'i k'asakt'icha amimputamat. An Eneas watukan ostayalh.

LOS HECHOS 9:40

Wa chuncha an Pedro jajuniy li katataxtu'olhka'. Chi ixli'astan yucha tatso'ottalhcha chi tapaynilhcha chi sa'cha ixla'ts'ini an yu ixnitacha, chi juniy: ―¡Tabita, k'a'ost'aycha! An t'aku jalakawanalhcha, chi akxni la'ts'ilhcha an Pedro, ostawilhcha.

APOCALIPSIS 1:13

chi ixtan'ajni an ma'atujun de oro yu pula'ma'tajiy jikmi ikla'ts'in pumatam wa tacha ists'alh lapanak, an ixla'ch'it wanaj lhman, wanaj la ixch'aja ixcha'anini chi an la ixtankilhakni p'a'xcha ixtankilhak'anta a'xtam cinturón de oro.