SAN LUCAS 19:5 - Tepehua Pisaflores

⁵ An Jesús akxni anchacha ixla'pust'ajun tala'st'alh, pus la'ts'ilh, chi juniy: ―Zaqueo, lasch'a k'at'a'alht'a'ut'i, mu chaway an la mincha'a aktamakawna'.

SAN LUCAS 19:5 Kruisverwysings

SAN LUCAS 19:10

Mu kit'in yu ikwalh isTs'alh Lapanak ikminta japuxkawna chi ikminta jama'alhtaxtunu an yu wa tats'an'ata.

SAN LUCAS 19:2

Walh pumatam lapanak ixjunkan Zaqueo, xa'ay an yu ixtalaklhach'inin tanlhun, chi jamatumin,

SAN LUCAS 19:4

Pus jats'alaj'alhi tan ixtipu'an an Jesús, chi tawk'alhcha laka a'atam k'iw junkan sicómoro para li laycha kala'ts'ilh, mu ancha ixla'pust'ajun an Jesús.

SAN LUCAS 19:6

Wa chuncha so'ojo ta'alhtajulh chi sawalhcha ixta'achanini lakatastuklhi.

SAN JUAN 1:48

An Natanael ja'alhtayanalh: ―¿T'asich'a k'ilhimisp'ayi? An Jesús alhtaylh juniy: ―Akxni jantuka' ixt'asaniyan an Felipe, ikla'ts'inani akxni ixyat'i ixtamp'in an xak'iw higo.

SAN JUAN 14:23

An Jesús juniy: ―Yu kimapayniy, kiklaka'iya an kinchiwinti chi an kimPay kamapayniya'. Chi kit'in chi an kimPay akminaw t'atawlhnin.

2 CORINTIOS 6:1

Pus chaway kitnan tacha ixt'atapatsanin an Dios, iklatapaynisk'iniyawi uxitnan li jantu wa k'ala'amaj'ant'iti an yu tamasuniyan an ixjamapayninti Dios.

EFESIOS 3:17

para li ixlakata an mijakiklaka'intik'an an Cristo la mijalhunutk'ani katsukulh, chi la mijatsukuntik'an k'ap'ut'ach'an'aknut'iti an ixjamapayninti Cristo.

HEBREOS 13:2

Jant'u k'ak'apt'iti li oxi k'ajala'a'it'it yu tala'cha'anan la mincha'ak'an, mu chuncha ali'in masi jantu ixtak'atsay, angelhnini ixtala'a'iy la ixcha'ak'an.

APOCALIPSIS 3:20

Kit'in laka malhticha ikyalh chi ikchiwiniy, li xamati ki'asmatniy chi malhti'ayi an malhticha, aktanuya chi akt'alakwayna chi yucha akint'alakwayna'.