SAN LUCAS 12:16 - Tepehua Pisaflores

¹⁶ Chi jajumpalh la'atam pulhamacha'xan, jajuniy: ―Pumatam lapanak jamatumin lhuwi ma'alalh yu ixch'anta la ixlakaat'un.

SAN LUCAS 12:16 Kruisverwysings

SAN MATEO 13:8

Pero an ali tan oxi t'uni tamachalh, pus tawk'anilhcha xajatawk'at. A'atamincha xak'iw la'awlh, cien, chi sesenta chi treintajcha xta'lhi xajatawk'at.

SAN MATEO 5:45

para li chuncha k'a'unt'iti ixjas'at'an amimPayk'an yu wilhchalh anu lakt'iyan. Mu yucha ilhtuy li kataxtulh an wilhchan para ta lhichux, masi yu wa ay tajunita chi yu oxi lapanakni. Chi yucha makmin xkan para ta lhichux, para yu oxi lapanakni chi masi yu wa ay tajunita.

SAN LUCAS 12:15

Chi jajuniy: ―K'ajalajk'atsanant'iti an la ixlitsukuputunka lhuw tanlhun, mu jantu yu xt'a'a jatsukunti.

SAN LUCAS 12:17

Chi sa'cha ixjatapastaknan, ixnajun: ¿Tasucha aklhit'alaya li jantucha inta aktima'alh an yu ikma'alalhi?

LOS HECHOS 14:17

pero jantu a'tami jantucha kamasulhi tichini yuchacha yucha, tacha an laj'oxi tanlhun ix'ilhtuy. Mu yucha tamakminiyan an xkan chi li oxi kalak'alilh an jach'ananti, chi yucha taxta'niyan li lhuwi ka'alilh yu k'a'ut'it ch'i k'alaj'ach'ant'it.