SAN JUAN 9:3 - Tepehua Pisaflores

³ An Jesús jajuniy: ―Jantu xliyu ani wa ka'ilhtulhcha tu'u ixtala'alhin u an ixpaynin, wa xliyu an Dios masuputuni ixtapatsat la ixlakatunaj ani lapanak.

SAN JUAN 9:3 Kruisverwysings

SAN MATEO 11:5

Li an la'la'lhtulu'un tajalakawanancha, chi an lakch'anlht'ulukun, talakalhtanancha, an yu ixtalaklakap'uch'ita, tala'tala'a'oxilhcha, an laj'a'atapan, taja'asmatnancha, an yu ixtalaknitacha, jala'mala'awnicho'okalh, chi an jakilhpatinin jamak'atsaanikancha an laj'oxi chiwinti.

SAN JUAN 11:4

An Jesús, akxni asmatlhi, najun: ―Ani ta'an'at jantu katijama'ninilh, yucha apalij wa kapumasukana an ixta'ayat Dios, chi an ixta'ayat an isTs'alh Dios.

SAN JUAN 11:40

An Jesús juniy: ―¿Chu jantu ijkunani li jak'iklak'a'inin, k'ala'ts'ina'a an ix'alhp'asninti Dios?

LOS HECHOS 28:4

Akxni an yu ancha jamacha'an tala'ts'ilhcha an tsapulh li olencha ma'ch'ita an Pablo, ixtalajuniy: ―Ani lapanak o'sliyani li jama'nini', masi li pa'osnuncha ani lakxkan, pero an Dios jantu katimakawnilhi ali katsukulh.

LOS HECHOS 4:21

Pus wa chuncha an jamach'alhkatni, a'tamcha tame'e'swapalhi an Pedro chi an Juan laka chiwinti, ixli'astan jamakawkalhcha, mu jantu tu'u yu lay kajalhimama'alh'ajnikalh. Chi ixchuxk'an an lapanakni oxi ixtalhipast'ak'a an Dios wa xliyu tacha an ixtala'ts'intacha.

1 JUAN 4:16

Chi kitnan mispayaw chi kiklaka'iyawi an ixjamapayninti an Dios yu kintaxta'niyan. An Dios yucha jamapayninti chi yu t'a'aklatsuku'alhiya an jamapayninti, t'a'aklatsuku'alhiya an Dios, chi an Dios wachu t'a'aklatsuku'alhiya an lapanak.

1 JUAN 4:9

An Dios masulhi ixjamapayninti kilakatak'an akxni mala'achachalh ani lakamunulhpa an isTs'alh masi wa ix'akstu para li kapulhitsukuwi jatsukunti yu jantu a'tam min'ojoy.