SAN JUAN 8:38 - Tepehua Pisaflores

³⁸ Kit'in iklhichiwiniy yu an kimPay kimasunita, ch'unch'ach'a wach'u ilht'uyat yu alha'asmat'at mimpayk'an.

SAN JUAN 8:38 Kruisverwysings

SAN MATEO 3:7

Walh akxni jala'ts'ilhi li ixluwk'ani ixta'anta a'paxnin an lapanakni yu ixjajunkan fariseojnin chi saduceojnin, jajuniy: ―¡Ixjas'at'an tsapulin! ¿Tisiyuchacha tajunin tani k'alhit'a'alht'axt'utcha la ixtalh'amti Dios akxni kamina'a?

SAN JUAN 14:10

¿Ch'u jant'u k'iklak'a'iya li kit'in ikput'ajuni an kimPay chi an kimPay kimput'ajun? An tacha iklajunaw jantu wa kit'incha chuncha iklajunaw. An kimPay an yu kimput'ajun, yucha kimpulak'ilhtuy an ixtapatsat.

SAN JUAN 14:24

Yu jantu kimapayniy, jantu kiklaka'iya an kinchiwinti. An chiwinti an t'ach'a asmat'at jantu kinchiwinti, ixchiwinti an kimPay an yu kimala'achatachalh.

SAN JUAN 17:8

mu an chiwinti an yu k'i'un ijk'amak'atsaanilhcha, chi yu'uncha tala'a'ilhcha, chi tak'atsaycha li sawalhi li t'an wilhchi ikminchalh, takiklaka'iya li uxint'i k'imakt'anchi'.

SAN JUAN 3:32

chi yucha lhichiwiniy yu la'ts'intacha chi asmattacha, pero jantu xamati kiklaka'iy.

SAN JUAN 5:19

An Jesús jajuniy: ―Ani klajunaw sawalh: Jantu lay tu'u kati'ilhtulhi an isTs'alh Dios wa ix'akstucha ka'ilhtuputulh, yucha ilhtuy yu la'ts'in ilhtuy an ixPay. Chux yu ilhtuy an ixpay wanajcha chuni ilhtuy an Ists'alh.

SAN JUAN 5:30

’Jantu layi tu'u k'ilhtuy yu wa ki'akstucha ak'ilhtuputulh. Tacha ik'asmat'a kijuniy an kimPay chunchacha ik'ilhtuy, pus an yu ik'ilhtuy ts'awj, mu jantu yu wa kit'incha iknajuni ik'ilhtuy, yu najun an kimPayi ik'ilhtuy, yu kimakminta.

SAN JUAN 8:26

Wanaj lhuwi yu aknawna chi yu aklajunaw t'ani layatcha, pero an yu kimakmintachalh yucha sawalhi an yu najun, chi kit'in, wanajcha yu iklajunaw ani lakamunulhpa an yu ik'alha'asmat'a an yu kimakminta.

SAN JUAN 8:41

Uxitnan wanajch'a ch'uni layat tacha lay mimpayk'an. Yu'uncha tajuniy: ―¡Kitnan jantu wa a'chunancha! ¡Wa pumatami kimPayk'an, Dios!

SAN JUAN 8:44

Uxitnan mimpayk'an yucha an xapay makxkay'un, ch'i yuch'ach'a ach'aniyat ilht'unip'ut'unat yu lhinajun. Yucha sta akxni ilhtukanchalh an lakamunulhpa, sta akxnicha jama'ninilh, chi jantu a'tam najunta yu sawalh, mu jantu tu'u yu sawalh kanawlh yucha. Akxni maslakatinin, najuncha tanischa yucha, mu yucha maslakatini', chi xapay maslakatinti.