SAN JUAN 6:9 - Tepehua Pisaflores

⁹ ―Ani t'ajun pumatam ts'alh lhit'ajun a'xkisi pan de cebada chi la'at'uy jatanti, pero, ¿tisuncha li wanajcha lhilhuwi?

SAN JUAN 6:9 Kruisverwysings

SAN MATEO 14:17

Pus ta'alhtaylh tajuniy: ―Wa a'xkisi pan chi wa ma'at'uy jatanti iklhit'awnaw.

SAN MATEO 16:9

¿Jant'uk'a' lhimach'a'xayat'it, ch'i jant'u p'ast'ak'at'iti akxni an la'akisi milh lapanakni ta'ulh wa a'xkisi pan, chi tani la'achuxcha canastaja p'usakch'o'ot?

SAN MARCOS 6:38

Pus jajuniy: ―¿Tasu a'xchuxcha pani lhit'ant'at'it? Ak'ila'ts'int'it. Akxni tala'cha'ancho'olh, tajuniy: ―A'xkisi pan chi ma'at'uy jatanti.

SAN MARCOS 8:19

akxni an kla'puch'e'elh a'xkisi pan, chi ijkamawalh la'akisi milh lapanakni? ¿Tasu la'achuxcha kanastaja a'tsamcho'olh an xaxajni yu p'usakch'o'ot'iti? ―La'akawt'uy canasta, ―tajuniy.

SAN LUCAS 9:13

An Jesús jajuniy: ―K'ajaxt'a'nitcha uxitnani yu kata'uya'. Yu'uncha ta'alhtaylh: ―Wa a'xkisi pan chi ma'at'uy jatanti iklhit'awnaw, ka wanaj ak'aw jatamawninini yu kata'ulh tacha an ta'ayxto'nun.

SAN JUAN 11:21

An Marta juniy an Jesús: ―Jamach'alhkat, li ani k'axt'a'ulh, an Lázaro jantu kaxnilh.

SAN JUAN 11:32

Akxni cha'alhcha an María tan ixt'ajun an Jesús, tatso'ottanilhcha la ixjach'aja', juniy: ―Jamach'alhkat Jesús, li ani k'a'ixt'a'ulh, an Lázaro jantu ka'ixnilh.

SAN JUAN 21:10

An Jesús jajuniy: ―K'alhit'at la'atam la'at'uyi an jatanti yu wa jach'ap'aya'utka'.

SAN JUAN 21:13

An Jesús stalh alh chi xa'a'ilhcha an pan chi jaxta'nilhcha, chi an jatanti wanajcha chun.

SAN JUAN 21:9

Akxni tatayachalhcha lakaat'un, tala'ts'in ulakantacha jikmi chi ukxmuk'akantacha la'atam jatanti chi pan.

SAN JUAN 6:11

An Jesús xa'a'ilhcha an pan, chi ixli'astan xta'lhicha lhimala'puchajun, chi jaxta'nilhcha an ixt'alhtanan. Chi yu'uncha tamala'pitsinilhcha ixchuxk'an an lapanakni yu ancha ixtawilanalh, chi an jatanti wanajcha chuni ilhtulh, chi jaxta'nilhcha, tacha oxicha talhikiklalh.

SAN JUAN 6:7

An Felipe najun: ―Masi la'at'uy ciento wilhchan aklhima'tapatsalh jantu katicha'alhi para li lakts'unijcha kata'ulh.

2 CORINTIOS 8:9

Misp'ayatcha an ixjamapayninti an kiJamach'alhkatk'an Jesucristo, yucha masi ma'a'ali, junlhi wa jakilhpatini milakatak'an, para li an la ixkilhpatit uxitnan k'a'unt'iti ma'a'alin.

APOCALIPSIS 6:6

Chi ixtan'ajnik'an an ixt'at'ink'an tuchichun yu tala'ajunta ik'asmat'a nawkan: ―Tam kilo trigo tamcha wilhchan xatapatsat, chi la'at'utu kilo cebada tamcha wilhchan xatapatsat, pero an asayte chi an jamaskajanti xaxkan uva jantu kamin'olh.