SAN JUAN 20:27 - Tepehua Pisaflores

²⁷ Ixli'astan an Jesús juniy an Tomás: ―K'at'amaknut'icha amimaka ani, ch'i ak'ila'ma'la'ts'icha. Ch'i k'alhip'icha amimaka la kimpaja'elhni, k'at'amaknut'icha. Jant'u ch'uni k'alat'i li jant'u jak'iklak'a'inin, k'ajak'iklak'a'in.

SAN JUAN 20:27 Kruisverwysings

SAN MATEO 17:17

An Jesús najun: ―¡Yu ch'away t'awnat jant'u jak'iklak'a'ininat'it, wa t'ani lap'ut'unatcha layat'itcha! ¿Tasu wanancha wa aktilat'a'aklatsukuyawi? ¿Tasu wanancha wa aktilalhilhitayaniyawi? ¡K'alhit'at'iti an ts'alh!

SAN MARCOS 9:19

Pus an Jesús jajuniy an ixt'alhtanan: ―¡Yu chaway ani t'awnat jant'u jak'iklak'a'ininat'it! ¿Tasu wanancha wa aktilat'a'aklatsukuyaw chi wa aktilalhilhitayaniyawi? Akilalhiminiw.

SAN LUCAS 24:39

K'ala'ts'int'it an kimaka chi an kinch'aja', kit'in. Akilalakach'apaw ch'i k'ala'ts'int'itcha. Yu wa takuwincha jantu tu'u ixjakanit chi ixjalukut t'ach'a la'ts'inat iklhit'ajun.

SAN LUCAS 24:40

Chunchacha jajun'olh chi ixjamasuniycha an ixlakmaka chi an ixlakch'aja'.

SAN LUCAS 9:41

An Jesús alhtaylh najun: ―¡Yu ch'away t'awnat jant'u jak'iklak'a'ininat'it, wa t'ani lap'ut'unatcha layat'itcha! ¿Tasu wanancha wa aktilat'a'aklatsukuyawi? ¿Tasu wanancha wa aktilalhilhitayaniyawi? K'alhit'a amints'alh.

SAN JUAN 20:20

Akxni chunchacha nawlh, jamasunilhcha an ixlakmaka chi an ixpaja'elhni. Pus an ixt'alhtanan sawalhcha talaj'achalhi akxni tala'ts'ilhcha an Jamach'alhkat Jesús.

SAN JUAN 20:25

Ixli'astan an ali'in ixt'alhtanan an Jesús tajuniy: ―Ikla'ts'iwi an Jamach'alhkat Jesús. Pero an Tomás ja'alhtaylh jajuniy: ―Li jantu ikla'ma'la'ts'ini an la ixlakmaka tan lakmakmak'atsanita clavos chi li jantu iktamaknuyi an kimaka, jantu aktikiklaka'ilh, chi li jantu ikpajatamaknuyi an la ixpaja'elhni.

SAN JUAN 20:28

Wa chuncha an Tomás alhtaylh chi juniy: ―¡KiJamach'alhkat chi kiDios!

ROMANOS 5:20

An lhamap'a'sin makminkalh para li an tala'alhin palay oxi katasulh. Pero akxni palaycha alilhi an tala'alhin, an Dios palaycha jamapayninilh.